# عقاب
تصوويت بنات احبكم💕
الكـاتبـه مــلاك،
ــــــــــــــــــــــــــــــــــــــــــــــــــــــــ
المشكلة بذوله النحبهم باردين
مايدفون الحظن من نشتهيهم
ـــــــــــــــــــــــــــــــــــــــــــــــــــــــــــ
: ـ عقاب
عقاب: ـ ها يمج
فتحت عيوني شفته قريب عليه غمضت وتقربب عليه حيل
وحچيت بهمس:
: ـ خليك يمي
عقاب: ـ يمج أنه
: ـ لا تروح
عقاب: ـ ماأروح
حسيت خله أيده عـ گصتي تحسس حرارتي وحچه:
عقاب: ـ صخنتي
گام وأني كامشه قميصه من صدره
عقاب: ـ بس أجيبلج كمادات صخنتي
حسيته بتعد وسمعت الباب نفتح
دقايق وحسيت شي بارد تخله عـ گصتي
نزيت ورفعت ايدي ادورعليه وهوه حچه:
: ـ اسم الله يمج هاي أيدي لزميها
ضليت لازمه ايده وبإيده الثانيه يسوي كمادات
سحب ايده مني واني مغمضه
اسمعه يحچي
: ـ نائل هذه العلاج بيه شي ينزل الحراره حراتها مرتفعه
مااعرف نائل شنو گاله بس اسمع عقاب
: ـ أي وياهن أي تمام
وحسيته گام مني
لحضات واسمعه يگعد بيه
: ـ فناء أگعدي خلي اضربج أبره تنزل حرارتج
فتحت عيوني بتملل
فناء: ـ لا أخاف
: ـ موزينه عليج الصخونه جسمج صار نار
فناء: ـ منو يضربني
: ـ أنه
فناء: ـ استحي منك
: ـ موغريب عليج زوجج أنه
فناء: ـ طفي الضوء
: ـ چاشلون أشوف
فناء: ـ شغل الموبايل
: ـ تمام أگلبي عـ بطنج ورفعي ملابسج
گلبت ورفعت ملابس وتغطيت بالحاف وهوه طفه الضوء وأجه سحب الأبره وجر الحاف لجوه
غمضت عيوني حيل وكمشت بيدي المخده
: ـ عقاب مو توجعني
عقاب : ـ رخي جسمج مشنگه حيل تتأذين،
وخر الحاف وضرب الضوء مال الموبايل عليه وزرقني الأبره حسيت نفسي انگطع
فرك المكان بيده ورجع الحاف غطاني
گلبت عـ ضهري وأني افرك بمكان ألأبره
طلع غسل ورجع نازع قميصه باقي بس بالنطرون
شمرت الغطه عني فجأه حتريت ضليت اشمر بإيده
وهوه گعد يم راسي يسوي كمادات
: ـ عقاب
عقاب: ـ يمج أنه
: ـ عقاب
عقاب: ـ ها فناء
: ـ ايدك
عقاب: ـ هاي ايدي
اخذت ايده وحضنتها عـ صدري
بعد مادريت
رن موبايلي رفعته عمو عقاب
جاوبت اجاني صوته
عقاب: ـ ميار أطلعي أنه باالباب لبسي عبايه وتعالي انطي خبر لـ أهلج ناخذ فناء للمستشفى
طلعت ركض لبست صايتي ودگيت الباب عـ ماما
: ـ تعال منو
ميار: ـ ماما خابرني عمو عقاب فناء متخربطه ماخذها للمستشفى وگال تعالي ويانه
: ـ روحي يوم روحي وطمنيني عود
