# عقاب
الكاتبــه مــــلاك،
هلي أنتم سبب حزني
هلي عكس ماريد تدعولي ؏ المصلى
طحت طيحت دمع ؏ الگاع
محد گالي اسم الله
ـــــــــــــــــــــــــــــــــــــــــــــــــــــــــــــــ
غمضت عيني وأشجعت ورفعت ايدي وقرعت الجرس …
واللمفاجأه ".
فتحلي الباب زيد،
صارت عيني بعينه عيني مكسوره
وعينه بيها حقد وانتقام فضيع …
طارت عيني وحطت عـ أبويه چان گاعد بالحديقه عـ كرسي متحرك وأمي يمه
أمي من شافتني گامت عـ طولها
وأبويه يباوع بعيونه ومايگدر يحچي حسيت عيونه دگلي تعالي تعالي هنا لحضني هنا أضمج بگلبي اعرف بيه ماحاقد عليه بس لاحول ولاقوة
هنا زيد ما تحمل انتفض وثار…
زيد: ـ لجج أنتِ شكو هناااا ؟؟
فناء: ـ زيد بس أحچي وياك اسمعني
زيد: ـ لا احچي وياج ولا تحچين وياي يلااا
فناء: ـ ماما يووم
صحت بصوت عالي طالبه النجده من أمي،،
اجت امي تركض وحچة:
: ـ يمه فناء يمه هلا بيج يمه …
فناء: ـ ماما حبيبتي سمعوني فدوه
زيد: ـ اششش لا تحاولين حته تحچين وتفتحين حلگج برااا
فناء: ـ زيد بس سمعني …
: ـ ولك يمه شوف اختك شبيها فدوه لعينك،
زيد: ـ ماعندي اخت انا ماعندييي
طلعت زوجته عـ صوته وصياحه تركض
تفاجأة بوكفتي عـ الباب الصدمه مبينه بوجهها
: ـ ولك يمه اختك هذه انضلمت ومحد سمعها يمه
زيد: ـ لا دگولين اختككك، ماعندي اخت تواعد نصاص الليالي وتلعب ورى ضهرنه اسكتي عني لا اذبحهاااا
ضلت بس دموعي تجري عـ خدي وأبويه اشوفه يتحرك عـ كرسيه يحاول يوصل يمنه يحاول يحچي احس گلبه ضل يفور،
ضليت ابچي من شفته هيج
وزيد لزمني من زندي وضل يعت بيه
وأني ابچي بصوت عالي وأحچي:
فناء: ـ بابا ماما عفيه سمعوني زيد ابوس ايدك أني اختك اسمع مني أني نضلمت عفيه والله انضلمت،
أمي وتبارك لزمنه ويصيحين عليه، وهوه ولا هامه
زيد: ـ برااا دام النفس راضيه عليج لحد هسه مامرتكب جريمههه، يلااا.
واني اصيح بس اريد يسمعني نهرج البيت بالصياح اني وماما وتبارك وزيد بس صوت واحد ماعله وماسمعته الي مشتاقه اسمعه حته لو يطردني حته لو يصيح عليه يغلط عليه المهم يحجي واسمع صوته،
