# عقاب
الكاتـبـــه مــلاك ،
تصوويت بنات احبنكم💕
أليوم خطوبتي وأخيرآ راح أكون زوجة صفاء
بعد ما بابا سأل عليهم وتأكد منهم ناس معروفين وافق يرجع الهم خبر،
وحددو موعد الخطبه،
أيهم ماشفته بعد من ذيج الليليه
اجاني اشعار منه عـ الوات ساب
بليل وأني جاي أحضر بنفسي
: ـ أطلعي منتضرج بالحديقه،
ميار: ـ أيهم شتريد ماعندي وقت
: ـ موضوع ضروري لازم تسمعين مني
اوووففف ياربي هذا شوكت يفهم بلا باچر خطوبتي وهوه لازم يقتنع أني مو اله وخلص
طلعت لگيته گاعد عـ الثيل شافني أجيت گام وگف عـ طوله،
سلمت رد السلام عليه هلـ المره ماأدري ليش حسيته خالي من المشاعر اتاجاهي وبارد حيل
خله جگاره بين شفايفه وشعلها
نفت الدخان وتحسر
: ـ شلونج
ميار: ـ زينه
: ـ خطيبج أسمه صفاء؟
ميار: ـ أي
: ـ ميار خطيبج سألت عليه هواي ودورت وجماعه قريبين عليه سألتهم گالو عليه سمعه موزينه ويمشي دورب موزين".
فتحت عيوني وحچيت:
ميار: ـ أنتَ شتحچي يعني أنتَ لازم تخرب قسمتي وتوگف بطريقي
ندار بوجهه وصك عـ اسنانه ورجع باوع بوجهي وحچه:
: ـ ومنو گلج أنه ميت عليج لو أگلبج بعد لج أبوج كلفني اسأل عليه وماگتله بالعرفته گلت أجي بلكي يصير عندج حساس خاف دگولين چذب عـ أبويه وخرب خطوبتي،
ميار: ـ ماعليك ان شاء الله تشوفه سكران بشارع هذا شي مايخصك أني راضيه بيه فهمت حسك عينك أسمع موصل خبر لبابا ماشيي
وعفته ومشيت
وصلت للباب التفتت عليه شفته واگف يباوع وراي
دخلت جوه وسديت الباب بوجهي لغرفتي،
نار صايره نار
سرى: ـ هاي شبييججج لا يطك عندج عرج
ميار: ـ أسكتي عني مو وكتج،
سرى: ـ شكو؟
ميار: ـ لج هذه أبن عمج ماأخلص منه شلووون بلااا
سرى: ـ شكو شبيه!؟
حچيت لسرى الگال عليه أيهم
سرى حچت بشك،
: ـ ولج وأذا طلعت حچيه صحيح!؟
ميار: ـ شبيج أنتٍ مصدگه بهذا لج كل همه يخرب خطوبتي ويشوه سمعت صفاء
رفعت أكتافها سرى وسوت حركه بحلگها بمعنى مأادري
: ـ أتمنى باچر ماتندمين
عافتني ونامت
وأني ضليت أجي منا وأرجع منا الهم أكل گلبي
خابرت عـ صفاء ماجاوب شمرت الموبايل عـ الفراش ودخلت للحمام أسبح بلكي يبرد گلبي
متمدده عـ الثيل بالحديقه صافنه وهادئه من برا حيل عكس داخلي المليان حرب
أليوم من سمعت خبر حمل رسل احس سهم صاب گلبي مااعرف شنو أريد أعرف عقاب مو الي وأعرف هذه زوجته وحياتهم ماشيه وأني أخر اهتمامه بس گلبي يريده ويغار عليه كلشي موبيدي أمر خارج أرادتي
