# عقاب
الكاتبــه مــلاك،
تصويت بنات وتعليق 🥀
تراب الولاية حزين بغير جدمك!
ـــــــــــــــــــــــــــــــــــــــــــــــــــــــــــــــ
بس نطق الحكم القاضي صابتنه صدمه صارت القاعه هوسه صوت عالي وام أيــهم تهتسرت مانعرف شنو الي حل علينه مصيبه ماكو مثلها شلون هيج بليله ويوم ضاع أيــهم وشبابه ومستقبله بالسجن المؤبد
كلنه نعرف أيــهم بريء من هذه التهمه ...
صوته الي ميروح من راسي من يصيح أني بريء مقتلت احد اني مسويت هيج لا لا
اشرح حالت منو اترك،، منو بهذا اللحظه امه الي تهسترت لو فاتن الي نصدمة لو جدادي لو عمامي الي تخبلو لو أني اي أني
أيــهم: ـ عمي عقاب عمي نائل شلون هيج انا ماسويت هيج صدگوني
عقاب: ـ بس هذا حكم باطل احنى ابناء القانون ونعرف بيه ليش هيج تسرعتو بالحكم واحنى جاي نجمع ادله جان لازم تتأجل محاكمته
نائل: ـ أيــهم عمو مانبقى هيج نتفرج عليك وأنتَ جاي يضيع شبابك بالسجن
أيــهم: ـ عمي سوو حل انا مااگدر ابقى بالسجن اكثر من هيج عمي عقاب
عقاب: ـ لتخاف بابا معليك ماانبقى هيج
اخذوه وهو يصيح ويبري بنفسه بعلات صوته وامه تبجي وتنحب
: ـ ولك يمه أيهم شسويت بنفسك يمه ولك يمه ليش هيج
وهو يجرون بيه يلتفت ويحجي وياها
: ـ يمه اتأكدي اني بريء وماكتلت احد يمه شماحكموني اني مالي ذنب يمه ذوله عمامي اكثر الناس يعرفوني مااكاتل اني يمه ماكاتل
: ـ ولك يمه أيــهم ولك يمه
صعدوه بالسياره واخذوه وعمامي راحو وراه واحنى رجعنه للبيت
دخلت لغرفتي قفلتها عليه شمرت نفسي ؏ السرير ظليت ابجي بحركه ليش هيج أيــهم سويت بنفسك ضيعت نفسك وشبابك ليش دكت الباب سرى كمت غسلت وجهي وفتحت الباب الها
: ـ ليش قافله الباب عليج
: ـ جنت اريد ابدل
: ـ يله بدلي نروح لبيت جدادي نسوي غده
: ـ تمام يله جايه وراج
طلعت هيه واني بدلت وتوضيت وصليت طلعت وراها لكيتها مبلشه بالغده وجدادي يصلون وزوجة عمو ضرغام متمدده صاعد سكرها وفاتن تنيم بأبنها عافته نايم واجت يمنه صافنه حسبه تجيبها وحسبه توديها احس الدنيا ظلمه بعينها
سرى: ـ حبيبتي فاتن گومي صلي وكليلج لگمه ربج ميتركه وهو مضلوم
فاتن: ـ ولج مالي نفسي بكلشي ولج هذا أيــهم الي نسجن وضاع شبابه
