# عقاب
الكـاتبه مـلاك،
ـــــــــــــــــــــــــــــــــــــــــــــــــــــــــــــــ
كــون الوفــه ينبـــاع بالـسوگ
وكـون الشـلونـك مو حچــي حلـوگ
شگــت كــواغد گلــبي مشگـوگ،
ـــــــــــــــــــــــــــــــــــــــــــــــــــــــــــــــ
يوم جديد
امل جديد
: ـ أي يمعود عـ شنو مستعجل لا تخاف نوصل بالموعد لا تعال عليه نروح بسيارتك تمام،
هلا حبيبي هلا
سد الخط
وأخذ استكان الچاي شربه دفعه وحده
رسل: ـ حبيبي حاول ترجع قبل الليل
عقاب: ـ ان شاء الله اذا كملت شغلي أرجع ماابقى
گام غسل والتفت عـ رسل وحچه:
: ـ جگايري وياج عـ الميز
رسل: ـ صار حياتي
راحت بقينه أني وياه
: ـ محتاجه شي قبل لا أروح
فناء: ـ سلامتك
: ـ ديري بالج عـ نفسج وعـ حمامتج
فناء : ـ ان شاء الله،
أجت رسل انطته جگايره وطلع
طلعت وياه الشقراء للباب وصلته
اشوفهم من وره الجام مال المطبخ ودعته وحضنته وهوه بادله الحضن طلع وسدت الباب وراه،،
بس؟؟
ماطلع وحده گلبي چان وياه".
عقاب رايحين هوه وصديقه للبصره
بـ قضيه بخصوص شغلهم،
رجعت رسل لغرفتها
وأني بقيت أعزل بالبيت
شوي وطلعت دخلت للمطبخ تعزل بيه
أني وياها مابينه حته كلمه دايره وجهها عني
وأني من طبعي مااشمر نفسي عـ أحد
كملت ودخلت لغرفتي بوجهي للحمام سبحت
وطلعت
لگيت رسل طالعه من البيت دائما تروح لـ بيت أبو مقدام يم خالتها حيل تحب خالتها وخالتها تموت عليها،،
طلعت أكل من الثلاجه أريد احميه و احضر الغده
وفجأه اسمع صوت عياط
وگفت من الحركه أريد اتأكد من الصوت
أي صوت عياط وهذا الصوت طالع من بيت حجي يوسف،
عفت كلشي بإيدي وركضت لغرفتي لبست شال وعبايه وركضت للبيت كل ما أقرب اسمع الصوت أكثر،
بس لحظه هذا صوت رسل !!
دفعت الباب وفتت لگيت رسل حالتها حاله
واخالتي أم مقدام تلطم ودك عـ وجهها
ونائل يفتر ويدور عـ سويچ سيارته،، هوه وزوجة ضرغام اخوه،
مافهمت شبيهم عمي ابو مقدام صار بيه شي لو شنو ابد ماراح بالي يم عقاب
اريد احد يفهمني شنو الموضوع
فناء: ـ ميار شكو ولج؟
ميار: ـ ولج عمو عقاب وصاحبه مگلوبه بيهم السياره عـ السريع مال البصره
ماتگدر تحچي من النشغه والغصه البيها،
