# عقاب
الكاتبه ملاك،
لا تنسووون التصويت بنات احبنكم💕
ـــــــــــــــــــــــــــــــــــــــــــــــــــــــ
أشتهيت أرتاح من ڪل صوت
يا روحي شحــــلات المـــــوت
ـــــــــــــــــــــــــــــــــــــــــــــــــــــــــ
زقزقة العصافير يم شباك غرفتي
ففززني من نومي المعيق ،
صحيت وضليت متمدده بـ فراشي وصافنه بالفراغ
محتاره شسوي بروحي التريده وهوه مو الها،
باوعت للساعه القريبه علي
جانت 8 ونص الصبح
البارحه من بعد ماشفتهم يتهامسون وقربين عـ بعض ثار بركان بداخلي گوه تعشيت ورجعت للبيت قبلهم دخلت لغرفتي وعتكفت عـ نفسي
خلص لا زم اتعود عـ فكرة اني هنا مو زوجه مجرد حاميني من أخوتي وبس،
كفبت الغطا وگمت دخلت للحمام شمرت ملابسي
وگفت جوه الدوش هادئه حيل ". سمحت للماي يتغلغل بكل انحاء جسمي واكفه ومخليه ايدي عـ الحايط مال الحمام ماخذه وضعية الأتكاء
بهذه اللحضه حسيت العالم كله هادء ،
ماعدا صوت الماي الماخذ حقه من هذا الهدوء
مرت فتره طويله واني بالحمام،
طلعت واني لافه جمسي بالمنشف وشعري مفتوح وقطرات الماي تنزل بكل اريحيه عـ صدري وباقي جسمي،
چنت امشي بخطوات ثكيله چني شايله هموم الدنيا عـ اكتافي".
وللمفاجأه ؟؟
منو لگيت گدامي بالغرفه،
أي هوه حزتو !!
هوه الي أخذني من نفسي ومن العالم وسافر بيه
على طريق بري مقطوع من المواصلات والبشر ورمى بي عـلى اعتاب ذالك الطريق المهجور بمفردي وإن سلكته خسرت وإن تركته خسرت".
چان فارض نفسه بكل شموخ عـ القفنه ومتركز وگاعد ونضراته ثابته علي تفاجأة ورتديت حتاريت شنو اسوي عمري ماشافني بيهج منضر
چان المنشفه قصيره وصدري نصه طالع
فز وگف عـ طوله وأني جريت الحاف ولفيت نفسي بيه بقى بس شعري طالع ،
تلعثمت وماعرفت شكول
: ـ ءء اا هاي انتَ من شوكت هنا!؟
اجه عليه وهوه يحجي
:ـ قبل شويه اجيت اطمن عليج البارحه بليل مو عـ بعضج من رجعت لكيتج نايمه،،
ليش طالعه هيج وشعرج مبلل وجوه السبلت هسه تتمرضين،،
اخذ المنشفه من عـ الزاويه وگام ينشف بشعري
مرگزه عليه وهوه ومامنتبه لـ نضراتي،،
اباوع لـ شفايفه وهوه يسولف
للحضه حسيت نفسي ضعفت
لزمت نفسي حته ماأمد ايدي عـ خده وتحسس لحيته،
كورت ايدي وزلمت نفسي غمضت عيني
