# عقاب
الكــاتبه مــلاك.
بنات ليش ممتفاعلن وي القصه حتى يصير عندي حماس للكتابه صدكني امر بضرف حيل صعب و؏ مودكم جاي افرغ نفسي واكتب واعرف جاي اتأخر عليكم بالتنزيل ومقصره وياكم واعتذر بس أنتم همين قدور تعبي وتفاعلن علقن صوتن ضيفن الحساب ميصير هيج،،، حيل احبكم واسفه ؏ كلشي ♥
ــــــــــــــــــــــــــــــــــــــــــــــــــــــــــــــــــــــ
بالك تدگ واتبسمر الطيف على جفني
انه ما عايز حزن .
الگاطع
ــــــــــــــــــــــــــــــــــــــــــــــــــــــــــــــــــــــــ
ميار:
كمل الشيخ وتبارك النه وطلع طلعو وراه عمامي وابوي بقا أيــهم يمي رفعن الاسلامي عني صارت عيني بعينه
عيوني جانن بيهن دموع نظرتي اله چانت بيها عتب غميج حيل وعيونه مافسرت شنو بيهن وشنو يردن ...؟ جان لابس قميص اسود وبنطرون رصاصي وشعره صاير صفح وعيونه ذبلانات وتعبانات بس تارساته وسامه القميص الاسود لايگ وي البشره وي شخصيته بس ليش بهيج يوم لابس اسود خاف عليه؟
بصوت مبحوح همستله :
: ـ وين چنت؟
: ـ يم جماعتي
رجعنه للهوسه صوت عمتي وهيّ تنده بأسمه يلبسني الحلقه
فز وباوع عليها
حنان: ـ يلا بعد عمتك لبسها يلا
هز راسه الها بدون كلام قدمو الحلقات النه اخذ بيده الخاتم وطلب ايدي بدون كلام بس مد ايده الي واني بدوري قدمت جفي اله ايضاً بدون كلام لكن الرجفه البيه تحجي اكثر من كلام،،، لبسني ومسح كصته براحة ايده مامبين عليه أي توتر ثابت بكل قوته
بعدها اخذت الحلقه مالته انطاني ايده لبسته ودنكت راسي تعالت الهلاهل وردح عماتي حركن الجو وسرى وياهن كل الاقارب موجودين الا خالات أيــهم ماجيات
بعدها طلبن منه يبوسني هوّ استحى منهن باسني بگصتي عمضت عيوني خجلانه منه ماجاي اصدك أيــهم الي عمري وحياتي مامفكره اتربط بيه هيج صار الي قريب شكد جنت ابغضه مااطيقه شلون هيج گلبي بليلة ويوم ارتاحله ولا صرت زوجته وحلاله؟
طلبن منه نركص بس هوّ مقبل ترخص منهن وطلع حتى الكيكه ماكصاها وياي كصيناها اني والبنات من طلع أيــهم خف التوتر عندي شوي ضلن البنات ركص وردح لمن ملن بعدها الكل راح ضليت بس اني وسرى وفناء دخلت لغرفتي بدلت وسبحت تعبانه صار الاذان صليت بقيت بغرفتي ماطلعت للعشه مااشتهي اكلت كيك مال الخطوبه جريت موبايلي دخلت ؏ حسابه لكيت عمامي وجماعته ناشرينه يتباركون اله،،، باوعت بيه زين بالصور لأن ماشفته زين من دخل علينه طالع ياخذ العقل
طفيت الموبايل وطلعت لبيت جدي ماما صاحت وراي
ماما: ـ ميصير تطلعين وأنتِ قبل شوي انعقد عليج ماما
