# عقاب
ألكاتبه ملاك،
لاتنسوون التصويت احبنكم💕
كنت في اشد الحاجه لأن يحتضنني احدهم
لأن يرى كل هذا الدمع المتراكم في روحي،
لأن ارتمي غارقا بدموعي على كتف أحدهم
ليخبرني ان كل هذا سيمضي ان هذا الوقت
سيمضي،
ولاكني لم اجد احدآ يفعل ذالك؟
ــــــــــــــــــــــــــــــــــ
فناء: ـ
خالتي ام مقدام تخربطت البارحه صعد عدها الضغط ونامت مستشفى للصبح وطلعت هسه وضعها زين الحمد الله،
اجن بناتها كوثر وحنان واخواتها.
الصبح من طلعت التمن عليها وكلنه يمهم ملتمين بيت عمي ابو مقدام،
جاي نطبخ بالغده بالمطبخ،، نسوان أخوت عقاب حبابات وبنات اصول ماسمعني كلمه موحلوه وحته مالمحن مجرد تلميح بموضوع الفيديو والسالفه الصارت حته اخوانه حبابين واهل نخوه
وعلاقتهم بعضهم بعض كلش حلوه
: ـ أهووووهه اجانه هذا جنه طنطل خرابه
ميار: ـ منو ولج هذا، ام الفنه!؟
: ـ نائل
ميار: ـ ها !؟
: ـ يمعوده موتني بالچاي كل دقيقه
مااحس بس صوت ميار أصيح عمو نائل عمو نائل
فناء: ـ التفت عليها فازه فتحت عيوني بدون مأحجي؟؟
ميار: ـ تعال أكلك موضوع مهم
التفت عليها وهوه واگف بالباب يضحك وي عماته
فناء: ـ تريدين تكليله؟
ميار: ـ بس اصبري
اجه عليها بعده ما واصل يمنه وچان تحچي ميار
: ـ عمو والعباس فناء اتگول عليك أجاني هذا جنه طنطل خرابه!!!!
واني التفت عليها وأحچي من بين أسناني همس
فناء: ـ الله ياخذج كون يالحقيرررره
نائل: ـ هههههههه تمون مرة أخوي تموون
: ـ عمو اصلاً دوم تحچي عليك موبس هـ المره
نائل: متعلمه من زوجها السربوت هذا
فجأه وجان نسمع صوت
اي والله صدگ سربوت لوما سربوت ماچان ضحكت عليه هـ لـ **** وأگلت بعقله حلاوه شو بلا خلي اشوف هيه هاي ألـ * *** الوگفت عشيرتين صدگ لو گا...
نائل: ـ لسانج طيببهههه
رفعت عيني صارت بعينها جانت اختها لرسل خطيبت عقاب جايه وي أمها اشوف خالتي.
فناء: ـ احترمي نفسججج
طيبه: ـ ياعشتو صدگ والله حقج
نائل: ـ طيبه لمي لسانج وامشييي
طلعت من المطبخ دمي فاير لزمتني ميار من أيدي ماهتميت حسيت نفسي راح انفجر طلعت من البيت كله شفت عقاب واگف بالحديقه يخابر صاح وراي نائل عبرتهم ودخلت للبيت وبوجهي لغرفتي قفلت الباب وشمرت نفسي بالگاع وراسي،
عـ الچربايه وضليت أصرخ وجهي بالحاف غامته
ليشششش ربيييي ليششش بكلشي قبلت بكلشي بس سمعتييي لااا شسويت أني حته ايصير بيه هيج يمهههه تعاليلي يمههه تعالييي شوفي حالي ليش عفتوني هيج باباااا تعال شوف بنتك شلون يمزقون بسمعتهههااا...
