# عقاب
الكاتبــه مــلاك،
بنات تصويت وتعليق حلو مثلكم
ــــــــــــــــــــــــــــــــــــــــــــــــــــــــــ
- وإن أحببتُم أحبوا ظُلماتهم أيضًا، لا نُورهم فقط .
محمود درويش
ـــــــــــــــــــــــــــــــــــــــــــــــــــــــــــــ
ميار:
من نطق جدي الكلمه الكُل اصابته الصدمه والدهشه بعدها التفتنه ؏ مصدر صوت شي يرتطم بالارض
ركضنه ناحيتها عمتي أم أيــهم وكعت
الحجيه: ـ يمه اسم الله شجاكم يمه مصيبه وطاحت علينه
عمي ضرغام خله راسها بحضنه وأمي فتحت شالها وزوجة لؤي ضلت تهفي عليها عمامي واگفين فوك روسنه
عقاب: ـ شيلوها ناخذها مستشفى
ضرغام: ـ هسه تصحى هيّ دائماً هيج
نائل: ـ خاف مماكله
ميار: ـ اي مااكلت شي
اجت فاتن تركض جابت قياس الضغط والسكر من غرفة جدادي والخوف يكسو وجهها الدمعه بطرف عينها
اخذته منها هنا شوي هيّ انتبهت وفتحت عينها
ميار: ـ عمه تسمعيني بس خلي اقيس سكرج
فحصت السكر طلع هابطوهيّ ماسكتت تبجي وتحجي وي عمي ضرغام راحت جابتلها فاتن جكليته اكلت حتى يصعد شوي
ام أيــهم: ـ ضرغام وينه ابني شنو قتل شنو تهمه أبني ميگتل ابني ميسوي هيج
ضرغام: ـ كومي وگولي يالله قابل اخليه هيج
عقاب: ـ خويه هيّ لحد الأن تهمه ماثابت شي عليه قابل نضل هيج هسه نحجي وي أحسن الامحامين هنا
نائل: ـ مقدام جاي وباجر نروح نكلف محامي جماعتي كلهم اعرفهم ونتصرف بس اهدي كولي يالله
كعدت وهدأت شوي بعد ماحجو وياها عمامي
: ـ ماما ميار كومن سون اكل لـ اهلج أنتِ والبنات يلا
ميار: ـ صار ماما
كمنه أني والبنات وهمه راحو يصلون والنقاشات مسكتت بخصوص موضوعه والوضع متأزم حيل بالبيت وجدي تعبان
فناء: ـ فاتن حبيبتي شنو هذه الفتره همين لاحظتي شي عليه
فاتن: ـ لا والله داده ابد أصلاً هوّ تعرفنه عنده جماعه معدودين وحتى بالعطله ميطلع وميتأخر برا البيت ابد
ميار: ـ أيــهم من زمان ميمشي وي اشخاص مخربطين ومشبوهين من دون اخوانه
فاتن: ـ خو أنتن أعرف بيه معاشراته أكثر مني