# عقاب
الكاتبــه مـــلاك،
لا تنسون التصويت وتعليق حلو مثلكم بنات احبنكم💕
بعد ماطوقني بين اديـه واخذني بحضنه من الوجع الي بگلبي مابادلته الحضن ضليت مسبله اديه وهو لامني لصدره بكل قوته ... بتعدت عنه واني ازيحه عني ابتعد عني ونظراته تتوزع عـ وجهي
مد ايده وحضن وجهي بكفوف اديه وحچه:
: ـ فناء أنه مااكلج نسيتها لا موسهل انسه هذه العشره بيوم وليله بس أنه مااريد رجعتها بعد
: ـ وأني شنو وسيله تنسى بيها؟
: ـ لا أنتِ حابب ابدي وياج صدگيني مااريد اضيعج من ايدي لأن أنتِ جوهره حرام اخسرها
زحت اديه عن وجهي ودرت وجهي عنه
: ـ بس أني مو محطة استراحه ياعقاب خلي بالك ترتاح بيها من هم وشقأ حبك
: ـ هذا تفكيرج يكتلني فناء أني مو ستغلالي لهذه الدرجه
: ـ وأني الي جاي يصير يذبحني ياعقاب ...
حچيتها وطلعت من الغرفه دخلت لغرفتي طفيت الضوا وتمددت تغطيت وغمضت عيوني احاول انام لعل النوم يساعد على اطفاء الحريق الي شب بداخلي ...
لا تلومني بس موبيدي حبه الها باين بعيونه شما حاول يضم هذا الحب مايگدر شلون يگدر وهيه حب طفولته وحب شبابه ومراهقته وخلص اكثر فتره من عمره وياها وفوگ كل هذا حلوه ومكمله دراسه واهلها ناس مثقفين اجي اني باليله ويوم انسيه هذا الحب
نزلت دمعتي وأني نايمه گلبي ضل يفور ضليت كاتمه عبرتي وابچي بخنگه سمعت الباب ينفتح وبعدها ينسد حسيت بيه رفع الغطا ودخل وياي درت وجهي للجهه الثانيه تقرب عليه حيل وحضني مرر ايده عـ خصري وحضني من ضهري حيل ودفن راسه برگبتي وهمس:
: ـ لاتضوجين مني والله حيلي ينهد اذا تضوجين
ماتحملت نشغت بصوت ... گلبني عليه وخلاني عـ صدره ويحچي بخفوت:
: ـ اشش لا تبچين خايبه گلبي يضل يوجعني وي نشغتج انعل يومي وانعل ابوي كافيي اروح فدوه لدموعج
تعالت نشغاتي بحسره وبعبره قويه اريد احجي مااكدر نربط لساني والنشغه بلعومي مااكدر اطلع الكلمه
: ـ وخر وخر عني عقاب
: ـ يروح عقاب أنتِ يحيل عقاب أنتِ
رفع راسي بين اديه ويحاول يحضن راسي بين اكفوف اديه ويبوس بوجهي وعيوني ويمسح بدموعي ويسكت بيه:
: ـ كافي خايبه تگطعين گلبي كافي
سكتت بس اناشغ خلاني عـ صدره وضل يمسح عـ راسي لمن هدأت
: ـ فنو يحيل عقاب
ضليت ساكته ماارد عليه
: ـ يروحي ليش تبچين تدرين دموعج سشوي بيه؟
