# عقاب
ألكاتبه ملاك
لا تنسون التصويتت💕
ــــــــــــــــــــــــــــــــــــــــــــ
ـ بيت حجي يوسف أبو عقاب
ميار : ـ أليوم يجي عمو عقاب وزوجته
مسوين عشا ألهم، ومجتمعين أقاربنه كلهم
عمو عقاب ماقبل نسوي عرس وفناء همين رفضت العرس وأهل فناء ماعترضو، رادو بس يلمون الفضيحه …
هاا نسيت أعرفكم:ـ اني، ميار مقدام يوسف،، بنت اخو عقاب يوسف صديقة عمو حيل أحبه، وهوه يحبني لأن أني چنت ألمشترك ألبينه وبين حبيبته رسل سابقاً،، يعني هسه تزاعلنه أني وياها،
صارت علاقتنه حيل بارده، بس بقت علاقتي بعمو عقاب قويه.
ألمهم اوصفلكم نفسي ک شكل
بيضاء البشره عيوني بيهن لون يميلن للزيتوني الغامض شعري اسود شفايفي ناعمه وخشمي جاي بطول بيه معاني هواي من عمو عقاب وبيبي أم عقاب
وحبابه وكيوت وأميره
مداح نفسه يحتاج رفسه،
احم احم
ألييت كله مخبوص أليوم والبنات لابسات ومعدلات عـ أخر حبه عبالك عدنه زفه!!
هوه صح عدنه عريس بس هـ ألعريس هذا مسموط جد جده
حالياً احنه بيت جدي بيتنه بصف بيت جدي وبيت عقاب بصفنه نازلين جديد ببيوتنه وألمنطقه،،
أبوي مقدام ألكبير وعمي ضرغام اصغر من بابا عايش بيت جدي بعده
وعمو عقاب،،،
واصغر واحد بيهم نائل بعده ممتزوج وهمين بيت جدي
وعمتي كوثر
وعمتي حنان
عماتي متزوجات ويجن بعد بابا بالعمر وللعلم عماتي توأم،
وجدي يوسف
وبيبي وسيمه
هذا عائلتنه بيت حجي يوسف،
: ـ كافي حمره وكحله حركن اديجن شوي تره مو انتن العروس،
هذا صوت أمي تحجي علينه
: ـ اففف ماما خلينه نعيش حياتنه شبيها ألدنيا ياهو المات وأخذها وياه
: ـ ولج سرى لسانج شويه
ميار ـ اي ماما اي حيل بالنعال گرزيها
تريد لطم عـ حلكها،
سرى: ـ بالعباس اجي احط راسج بالجدر ام شعفه
: ـ عفيه بناتي بعد تكاونن لمن علينه ألناس وألعالم
سرى ـ ماما أني محاجيتها متشوفين تطفر عـ ألوجه مجلوبه ،
ميارـ والله ماغيرج ألمجلوبه
: ـ كااافييي يلا امشن حضرن ألصواني وغسلهن يلااا…
عاطت بينه أمي مشينه سبيبه وحده تردم ألثانيه
وعمتي كوثر ويناتها يضحكن علينه
: ـ ههههه شجاج وياهن خيه ام لؤي
: ـ والله لو عندج ذني ألبنات ياكوثر تهجين من ألدنيا كلها لج خيه فالحات بس بالسنهه وألعرك شغله عمله ماكو
: ـ هههه عـ كيفج وي بنات أخوي ماأقبل تزعلينهن وخص سراوي،
حجتها وباوعت لسرى بنظره مال وحده ضامه الها ضمه بس هـ الضمه حلوه
