# عقاب
الكــاتــبه مــلاك.
بنات تصويت وتعليق احبنكم ♥
ــــــــــــــــــــــــــــــــــــــــــــــــــــــــ
امس روحي أشتهت واحد مزعلها
وحَنت و المَحنة مـا اطيحلها.
ـــــــــــــــــــــــــــــــــــــــــــــــــــــــــ
ميار:
من رجعت للبيت أمي ضلت تحجي عليه وترزل بيه
: ـ شلون تعوفين زوجج مريض وتجين أنتِ شنو ماكو براسج عقل
: ـ ماما الله يخليج عوفيني الي بيه مكفيني
: ـ لج أنتِ تضحكين ؏ الكل تردين تطلگين ماتريدينه باجر احجي وي ابوج واخلي يفض هذه السالفه خلي الولد يشوف حياته لوين مسرب وراج
: ـ ماما كافي عاد كافي
دخلت لغرفتي سديت الباب وكعدت بالكاع صافنه ماردت ابقى يمه الليلة لأن مامستعده لليصير بينه وأيــهم ماجاي يفهم واذا بقيت راح كلشي يصير غصب عني واني مو جاهزه
جان الوقت متأخر تمددت ونمت الصبح بدلت وطلعت للدوام قبل كلشي صعدت اله للبيت ماله دخلت عليه باب الغرفه مفتوح وكفت بالباب دكيته عبالي نايم اجاي صوته
: ـ اتفضل
دخلت لكيته جاي يبدل
: ـ صباح الخير
رفع راسه باوع عليه ورجع دنك
: ـ صباح النور
: ـ شنو تريد تروح للدوام؟
: ـ لا
: ـ چاشعندك مبدل وين رايح
: ـ شغل
: ـ شغل وأنتَ مريض
رفع راسه باوع بيه ونزل عينه عني
: ـ مابيه شي صرت زين
: ـ تريكت؟
: ـ ميار شتريدين؟
:ـ أيــهم أني …
بعدني مامكلمه كلامي قاطعني
: ـ أنتِ موقصدج واني ماجاي افهمج مو؟ حفظتهن ذني بعد اكو جديد!!
تقربت عليه صرت قريبه عليه كلش هو واكف ؏ الميز اخذ العطر رش منه والتفت عليّ
: ـ راح اطلع تبقين هنا
: ـ لا اروح الخط يتصلون عليه
:ـ تمام … حجاها ومشى
حاولت ابرر موقفي البارحه مانطاني مجال ابد
طلع كدامي ابد ماجني موجوده نزل ونزلت وراه فات هو لسيارت نائل وكف يمها واني اتصلت ؏ بنات الخط جاوبني كالن نتظرنه وتصلنه عليج ماجاوبتي ورحنه
