# عقاب
الكاتبه ملاك،
لا تنسوون التصويت وتعليق حلو مثلكم احبنكم 💕
ـــــــــــــــــــــــــــــــــــــــــــــــــــــــــــــــ
لا تتعاطف مع شخص فشل بالحفاظ عليك.
ــــــــــــــــــــــــــــــــــــــــــــــــــــــــــــــــــــــــ
چان المفروض اروح لبيت اهلي بس جدو مقبل گال تبقين اليوم عدنه ماعارضت لئن كلامه مابيه مجال للمعارضه،
تخيلو راح ابقى قريبه عـ أيهم وين انطي وجهي عنه احسه لازم عليه لزمه شيخلص الأيام وتعتگ سالفتي احسها ماتخلص والحسره راح ترافگني كل العمر،، بقيت بعرفة بيبي ام مقدام لليل ماطلعت يمكن نص العائله متعرف بيه موجوده عدهم
صار الأذان مال المغرب الكل بلش يستعد للصلاه حته الولد بيت جدي بيهم طريقه حلوه وقت الصلاه الكل يترك الي بيده مهما كان الشغل مهم يتركه ويتوجه يصلي جدو بهيج سالفه صارم جدآ چان قبل يضرب ولد عمو ضرغام عـ الصلاه لمن علمهم وخلاهم ملتزمين الى درجه
طلعت اتوضىء نصهم تفاجأو،، بوجودي سلمو عليه الولد ألا أيهم،
كملت فرشت سجادة الصلاه وتقربت الى ربي بكل خشوع ...
كملت صلاتي شاهدت وسبحت تسبيج الزهراء عليها السلام
الله اكبر 34 مره
الحمد لله 34 مره
سبحان الله 33 مره
كملت تسبيج قرأت دعاء الندبه وحديث الكساء
وبعدها قرأت قرأن
كملت لفيت السجاده وگعدت عـ جهه مااشتهي اكل نفسي مسدوه اجتي بيبي گالت گومي تعشي ويانه
: ـ بيبي مااشتهي،
: ـ گومي گومي بلا لعب يلا
گمت وياها مابيه اجادلها طلعت وراها لگيتم كلهم ملتمين عـ السفره تقربت گعدت وياهم وچان حديثهم عن ايهم وخطوبة واضح انو الليله أيهم نجم السهره،
چنت احس بيه بين الفتره والثانيه يختلس نظرات مني بسكوت لاحظت هذا الشي أكثر من مره
الكل يحچي بالتحظيرات بس هوه ياكل سكته
كمل عشا قبل الكل هوه وگام فات يغسل وبعدها فات للمطبخ يسوي چاي ولد عمي ضرغام متعودين يساعدون امهم بكلشي لئِن هيه ماعدها احد يساعدها،
بعدها گمت أني مامشتهيه اكل بس اكلت قليل حته اسكت بيبي
فتت المغاسل غسلت ورجعت تمددت بغرفة بيبي تعبانه وضايعه وماادري شنو اسوي
لفيت راسي حاولت انام لكن عيني مجافيها النوم سمعت بيبي وجدو بعد فتره طويله اجو ينامون ضلو يسولفون عن امور عاديه وأني مسويه نفسي نايمه خاف يحجون وياي مالي خلگ بعد فتره نامو وأني ختنگت حيل طلعت برا بالحديقه اخذت موبايلي ولفيت نفسي بالحاف چان الجو بيه بروده،، طلعت جانت الساعه قبل 12 چنت مخليه سماعه وأسمع شعر ومدده عـ المرجوحه مال الحديقه وتتحرك بيه قليل وچنت منصيه الصوت وأسمع ...
