# عقاب
الكاتبه ملاك
بيت محمود
نور :-
من بعد هجوم زيد عـ لبيت حجي يوسف وضرب طلقات عـ بيتهم،
الوضع تأزم و ولد خوالي كل ماجالهم يتخبلون
وخالي محمود بسبب خبلات زيد نضرب جلطه ثانيه وجانت القاظيه فقد خالي النطق وصارت حركته محدوده،،
وزوجة خالي تبهذلت احوالها من بعد فناء ومرض خالي
اما اخوات فناء بوضع لا يحسد عليه تعبانات والضيم حالهن
بين ماجاي نعزل الغده اجاني اشعار من حساب رجال غريب عـ الانتسغرام،
: ـ نور اني فناء اتصلي عليه ضروري؟؟
ضليت اضرب اخماس بأسداس
شنو الجاي يصير
صعدت ركض لغرفة فناء وقفلت الباب علي
دزيت مسج
رجعت دزت
اتصلت عليها وبالي مشوش
اجاني صوتها بلهفه واحس خانكتها العبره ماادري تبجي المهم عرفت منها شصار وفهمت منها
وفهمتها موقف اخوانها وماأعرف الي سويته صح لوغلط؟؟
بس هذه صديقتي وحقي اخاف عليها خاف تجي ويقتلوها واني اموت وراها،،
بعد ماحجينه سدت الخط وطلعت من غرفتها
فجأه شفت كرار بوجهي!!؟
كمزت يمه،،
: ـ خرعتني ههه شبيك؟
جانت نظراته متتفسر مالحكت حته افسرها
حجه وهوه مضيك عيونه بحده
كرار:- هذه فناء؟
: -ههه يافناء
: -اليجاي تحجين وياها فناااءء نور منين جاي تحجي وياج احجييي
: -اشش صوتك شبيككك لا تشهرنه مو فناء شجاك كرار!!
: -تره سمعت كلشي نور لا تنكري فناء وي صاحبها؟
حجاها وعيونه تتفحص نضراتي وتقرأ تفاصيل وجهي
: ـ احجيييي نور
مشيت وتعديته
لزمني من زندي وجرني عليه:ـ نورر جاي احجييي وياجج،،،
: ـ شبييك عوفني شهرتنه وخررر جاي اكلك موفناء
شمرت ايدي منه ونزلت ركض اييي خاف ناقصج يافناء التمت عليج
نزلت لوني مخطوف وحالتي حاله
شجابه وراي هذا شجابههه
لبست صايتي وطلعت وأرجف بعد ماأجي لبيت خالي ابددد
~~~
فناء:
فززني من عاط بهذا المتصل عليه
يماايي شماله هذا عبالي السياره نكلبت
مافهمت شنو كاله الولد التصل عليه بس هذا الوياي ضل يغلط عـ عمامه واهله والدنيا كلها،
مدري شماله تسودن،،
