# عقاب
الكــاتبه مــلاك ،
لا تنسوون التصويت بنات 💕
هَلي وأنه عَدل لِبسوا عَليهِ أسود .
ـــــــــــــــــــــــــــــــــــــــــــــــــــــــ
: ـ لججج فناء عمو شاف المقطع ورد عليه گال دزيه،
فناء: ـ شنووووو ؟؟
: ـ دزيته …
فناء: ـ الله ياخذج مو گلتي ماكو غريب يشاهد الستوري مالتج؟
: ـ هههههه ولج چا عمو غريب
فناء: ـ لج لااااا أقصد بس احنه البنات مخليتهن
: ـ لج قصدي ماكو غريب خارج عائلة يوسف
فناء: ـ تفففف عليج …
: ـ وعليج،
عفتها وطلعت من الوات ساب كله
لفيت راسي ونمت،
الصبح گعدت متفقين نروح للسوگ نشتري غراض
لـ ميار لئن انطوهم فلوس حته تجهز نفسها مستعجلين يريدون ياخذوها،
طلعت سويت ريوگ گعدت الشقراء اجت للمطبخ بدون سلام أخذت الطاوه وسويت بيض من يوم مازوجت عقاب ماتقبل اسويله أكل ابد
بس اذا راحت لـ أهلها أني اسويله
وهوه بيه طريقه يجي يلگه أكل ياكل،، مايلگه مايحچي ويگول ليش ولا يسأل منو طابخ ماطابخ
گملت هيه ريوگهم وأني كملت ريوگي أجه عقاب
صبح عليه ورديت عليه
جر الكرسي وگعد
فناء : ـ شنو اليوم ماتروح للدوام؟
عقاب: ـ چو عندي عطله اريد اروح همين احاسب العمال حجي يوسف خبصني،
فناء: ـ مم أريد اروح وي ميار وأمها للسوگ تشتري ملابس
عقاب: ـ روحي بس لا تتأحرآ بالسوگ وغده أني اجيب وياي لا سون غده،
رسل: ـ حبيبي أني مشتهيه سمج …
عقاب: ـ صار وأنتٍ شمتهيه؟؟
فناء: ـ بكيفك شنو مشتهي انتَ جيب …
عقاب: ـ أنه مشتهي باچه تاكلين؟
فناء: ـ الله ولا إحلى،
رسل: ـ أيععع تريد جيب باچه عقاب؟!
عقاب: ـ أي ليش أنتٍ ماتحبيها؟
رسل: ـ أيعع ولا أفوت من يمها
عقاب: ـ وأنتٍ فناء تحبيها
فناء: ـ لك ابوسها شنو احبها شنو اموت عليها.
طگها ضحكه بعلو صوته
عقاب: ـ أشك بيج رجال انه،
فناء: ـ عليك الله عود كثر كراعين هواي
رسل: ـ كافي لعبتوها لنفسي،
عقاب: ـ هههههه صار تدللين
گامت الشقراء تبدل
وأني گمت اغسل مواعين
أندگ الباب راح عقاب فتحه دخلن ميار وسرى وأمهن
ويشاقن وي عمهن البنات،
صبحن عليه رديت عليهن
ميار: ـ أجينه لعمو ياخذنه بطريقه للسوگ سيارتنه عاطله اليوم
سرى: ـ عمو أني زعلانه عليك عود ليش بخطبت ميار تدخل وي السيد بالعقد وبخطبتي ماتدخل؟
عقاب: ـ البركه بعمامج البقيه مو دخلو وياه …
سرى: ـ أي بس ليش انتَ ماجيت أصلآ تفاجأة بيك من دخلت گلت شعجب عمو
عقاب: ـ لج هاي تختلف هاي ميورة گلبي.
