# عقاب
الكــاتبه مــلاك،
لا تنسووون التصوويت احبنكم💕
•••••••••••••••••••••••••••••••••
- إذا كان يُمكنني إعطاءك شيء في هذه الحياة ، كنت سأمنحك القُدرة على رؤية نفسك بعيني ، حينها فقط ستُدرك كم أنت شخص إستثنائي بالنسبة لي.
••••••••••••••••••••••••••••••••••
طلعت شفت بيده كارتون،
واگف ومبتسم
وصاح
: ـ تعالي شوفي شنو جبتلج؟؟
تقربت عليه مبتسمه خله الكارتون عـ الميز وفتحه
تقربت باوعت بيه،
چان اشوف حمامه حلوه مكلشه لونها أحمر
وأني شهگت من الفرحه
: ـ ياااييي شنو هذا حمامممهه
عقاب: ـ أي جبتلج ذكر للحمامه مالتج حته يتكاثرآ
وصيرين مطيرجيه مال المنطقه هههههه
نائل: ـ لوتدرين شسوه بيه منزلني أدور بالبراجه مال الطيور بين المطيرجيه ادور حمامه لفناء وهوه يفتر وراي انوب اثنينه مانعرف بيهن
: ـ شكرآ ألكم حيل حبيتها راح اخليه يم زوجته واذا صارن عدهن جهال انطيك واحد منهن ههههه
نائل: ـ واذا خلفتي بوعدج اجي املص روسهن
: ـ ابد واملص راسي وياهن،
ضحكو اثنيهم
طلعت الشقراء من غرفتها
رسل: ـ ياااياا عقاب تحچي صدك تريد اسويلك برج مال حمام هنا ألمن جايب
نائل خويه هيه طير شجايب قابل فيل مايأذن تره
: ـ عقاب روحي خليه يم زوجته خلي يتعرف عليها
اخذته وأني فرحانه بيهن المفرحني أكثر اهتمام عقاب اعرف بيه يريد يفرحني،
نائل طلع لبيتهم وعقاب فات يسبح والشقراء جاي تحضر بالغده،، طلع عقاب من غرفته شعره مبلل عطره يمشي گدامه
جر الكرسي وگعد،
ضلينه ناكل سكته كسر صمتنه صوت الشقراء من حچت:
: ـ حبيبي اريد أروح لـ أهلي أمي مريضه
عقاب: ـ خيرها
: ـ مرتفع عدها الضغط ومتخربطه
عقاب: ـ عدها العافيه شوي بعد أوصلج واشوفها
بطريقي
: ـ ماشي حبيبي
كملت غده غسلت ودخلت لغرفتي
دزيت لنور جاويت
نور من بعد ما صار اباله شك انو علي الولد التحبه، مايحب البنات يحب الولد گالت لازم نسوي حساب مال ولد عـ الأساس حساب مال ولد حلو ونتختبره بهذا الحساب ،
خطه شيطانيه،
نور:ـ هلو فناء
: ـ أگلج كملته الحساب ورتبته سويته مال ولد حلو
ودزيت لهذه الشايف نفسه رساله
نور: ـ شنو كتبتي بيها
: ـ كتله هلو أني حيل معجب بشخصيتك وعضلاتك ممكن نكون اصدقاء وأني حاضر كل شي تريد أنتَ حيل تعجبني وأني محتاج رجال بحياتي مثلك
نور : ـ كل هذا كتبتيه!؟
