" ဒါကိုအခုရှင်းစမ်းပါ ...ခင်ဗျား..."
"ဘာကိုရှင်းရမှာလဲ တည်တံ့ရယ်..."
"ဘာ... ဘာကိုရှင်းရမှာလဲဟုတ်လား..."
"ငါမသိဘူး .."
" ဘာလဲ...ကျုပ်ဖြစ်နေလို့လား..."
"ဘာကိုလဲတည်တံ့ရယ်..."
"ကျုပ်ခင်ဗျားကို သတ်မိလိမ့်မယ်နော် ကောင်းကောင်းမေးတုန်းဖြေလိုက် ဒီဆေးတွေကဘာဆေးတွေလဲလို့..."
"မင်းကိုအစောကြီးထဲကပြောထားတယ်လေ ...မျက်လုံးအားဆေးလို့..."
"ဘာ...မျက်လုံးအားဆေးဟုတ်လား...ဟားဟား..."
မျက်လုံးအားဆေးဟု လိမ်နေသောသူကိုကြည့်၍ တည်တံ့ ဟားတိုက်ရယ်လိုက်သည်။ ဒီနေ့တည်တံ့ ခေါင်းတွေကိုက်တာကြောင့် ဆိုင်ကနေ စောစောပြန်လာတာဖြစ်သည်။ တည်တံ့ကားကလဲ ဒီနေ့မှပျက်နေတာကြောင့် ပြင်တဲ့ဆိုင်ပို့ထားရသည်။ ထို့ကြောင့် ဆိုင်က ကလေးတစ်ယောက်ကို အိမ်ရှေ့ထိပဲလိုက်ပို့ခိုင်းခဲ့တာဖြစ်သည်။ တည်တံ့ပြန်လာတော့ မာမီက မီးဖိုချောင်ထဲတွင် ဖုန်းပြောနေတာဖြစ်၏။ ကားမပါတာကြောင့် မာမီက တည်တံ့ဝင်လာတာကို သတိမထားမိပဲ ဖုန်းသာ မဲပြောနေသည်။
" နေကောင်းတယ် ...စိမ်းရဲ့...စိမ်းရောနေကောင်းလား..."
"ကောင်းတယ် ...နှိုင်းရောရှိလား..."
မာမီတို့က vc ပြောနေတာဖြစ်တာကြောင့် တစ်ဖက်က အသံကိုပါကြားနေရသည်။ နှိုင်း ဆိုသည့်အသံကြားတာကြောင့် အပေါ်ကိုမတက်ပဲ ရပ်၍ နားထောင်နေလိုက်သည်။ မာမီနှင့် ဖုန်းပြောနေသူမှာ နှိုင်း၏ မိခင်ဆိုတာ တည်တံ့သိလိုက်သည်။
" မရှိဘူး...သားနှိုင်းက ဆေးရုံသွားတယ်..."
"ဪ...တို့ကတော့မြေးချီချင်လှပြီ...မြတ်ရယ် ..."
"အမယ်လေး... မြတ်ရောပါဘဲ...သားနှိုင်းလေးက ကိုယ်ဝန်ဆောင်နိုင်တာကိုသိထားတော့ ပိုဆိုးတယ် မြေးလိုချင်တာ..."
မာမီပြောသောစကားကို တည်တံ့နားမလည်တာကြောင့်မျက်ခုံးကိုကြှုံ့ ၍ ခေါင်းကို ကုတ်လိုက်သည်။ နှိုင်းက ကိုယ်ဝန်ဆောင်နိုင်တယ်ဆိုသော စကားက တည်တံ့ရဲ့သွေးသားကိုမွေးနိုင်တာက်ိုဆိုလိုတာလား။
