عشق الوصب

الجزء الاول(1)

#عشق_الوصب
الجزء الاول (1)

(الرواية كوميدية رومانسية حزينة❤️)

(ملاحظه احداثها تبدا من سنة 2012 شهر 11)

اكيد كلنا فترات فحياة بعض هادا شي مفروغ منه...و اختلاف زمن هالفترة ولو كانت طويله ميغيرش من حقيقه كل الاشخاص لي في محطينا ممكن فالحظه يتغيرو ويجي فمكانهم اشخاص ثانيه ومش باين لو الفتره لمشت حتكون احسن من لي جاي او لي جاي حيخلينا نشتاقو للي فات.....

شهر 11 يوم 12 لسنة 2012..
يوم الاربعاء..
الساعة 10 صباحا

في مكان في ضواحي طرابلس مش بعيد عن وسط البلاد كان فيه حوش يبان بسيط حواليه سور مش متعلي هلبا وباب حديد يبان عليه الصدى(الصدي) كان فيه وردة الياسمين كبيرة داخل السور وحواليها بعض النبتات واكيد من بينهم ورده النرجس لي جايبتها زهرة حديثاً وقاعده تهتم بيها.....بالضبط احني في حوش عبدالحكيم الحسن....

في المطبخ كانت زهرة نايضه وتوتي في الفطور وهيا مضايقه حاسه بضيق من ايام ومش عارفه سببه....

في مكان في نفس الحوش

فتحت عيونها بعد ماضايقتها اشعة الشمس لداخله من الروشن....شافت لباب دارها لقاته مفتوح وداخله منه رائحة شاهي بالنعناع..رفعت جسمها ولقطت الهاتف تشوف في الساعه كم تفاجئت بالوقت بالعادة مترقدش لساعه10:15 ناضت للحمام..(اكرمكم الله) دوشت وطلعت صلت الصبح وخشت ع امها في المطبخ..

نرجس:صباح الخير
زهرة كانت تغسل في الماعين شافتلها:صباح النور بنتي
نرجس فتحت الثلاجه:علاش مانوضتينيش امي
زهرة:وشن عندك بديري تنوضي
نرجس وهيا تتفحص في الثلاجه بنظرها: هك وخلاص مانبيش نتعود بالنوم في اقرب وقت نبي نبدا خدمه و نشتغل..شافتلها بعد ماسكرت الثلاجه....امي جعانه مافيش فطور؟
زهرة تنهدت:فيه ان شاء الله درتلك شاندوتش في الكوشة تلقيه والشاهي سخون خودي منه
نرجس تشوفلها :طلع.؟
زهرة:اي فطر وطلع
نرجس بتردد:خيره مبارح نسمع فيه يعيط
زهرة:بوك عارفاته لو مطلعش اعصابه مايقدرش لاكن مع هادا حاسه صاير معاه شي ان شاءالله خير وخلاص....نشفت يديها بالفوطه وهي تقول:افطري وسكري ع روحك كويس عندي حصه شوي تانيه بنطلع
نرجس وهيا قاعده تفكر في كلامها ع بوها قالت:باهي نعرف..

طلعت امها وهي قعمزت ع طاولة المطبخ تفطر .....

في مكان ثاني مش بعيد في شارع اسمه الحارة كان حوش الدكتورة فريده...هيا كانت في خدمتها دكتورة نساء و ولادة في احدى المصحات الخاصة اما بناتها وحدة راقده لانه معندهاش اليوم جامعه وقاعده بروحها وحدة بالفعل في خدمتها ك مدرسة لاحدى المدارس في طرابلس....

____بقلم الرائحة الطيبة_____

الساعه 12:00 🕛 قبل الظهر

طالعه من المدرسه وهيا تتكلم بالهاتف بعد ما تمت لحصص لي عندها و وقعت