عشق الوصب

الجزء19

#عشق_الوصب
#الجزء_التاسع_عشر(19)

(الرواية كوميدية رومانسية حزينة❤️)

.
.
.
__بقلم الرائحة الطيبة__

"خيبات..الآمل الاولى لا تُنسى"
(كلماتي)

كانت الوقت قبل المغرب..

ركبوا في السيارة وطلعو مروحين...نيرمين وفريدة قاعدين يتكلموا على الشاب لي في المحل..اما هيا قاعدة سارحة تشوف من الروشن وتتذكر في طريقة كلامه واسلوبه وهيئته..وحتى شكله لي اول مرة تركز عليه بالطريقة هادي.. اكتشفت في نفسها انه يشد فيها النوع هادا.. نوع الراجل المرتب في شخصيته وكلامه وحتى هيئة لبسه..

تنهد وبصوت همس: كاريزما

فريدة شافتلها بحكم خولة قاعدة لقدام: شن قلتي

شافتلها بربكة وساوت قعدتها: ماقلت شي

نيرمين رفعت هاتفها: شوفووو..محلاه يهبل وله

شافتلها من مراية السيارة وخولة تلفت نص تلفيته

فريدة: قنين اي

خولة: ماشي حاله... وشافت لقدام

نيرمين تشوف للكڤر"جوا الهاتف" بمرح..نيرمين:كان نندري عليه بيخليه بالبلاش راني لمدت

خولة غلبت على وجهها ملامح الازدراء بدون ماتشوفلها..

فريدة رجعت ابتسمت: ماشاءالله عليه هوا دمه زي العسل

خولة بدون ماتشوفلها: واضح من تقرقيرك"قهقهة" في المحل

فريدة ضحكت: حيي والله ماحسيت بروحي..ضحكني دمه خفيف عطيه السلامة

خولة شافتلها ثواني ورجعت شافت قدامها وفي ابتسامة خفيفة على مبسمها..

وعم السكوت في السيارة الا من صوت الراديو لي دايرة عليه خولة وتحب تسمعله في كل مرة تركب السيارة..
🌿🌿🌿

يوم الجمعة 2013/1/18..
الساعة 5فجراً..

.
.
.
في الوقت هادا كان من فيه قاعد دركت من اليوم لي قبله..في مكالمة غرامية كلها حب ورومانسية..كانت هديل دايرة رجل على رجل وهيا ساندة روحها على السرير وتميعد مع ولد العمة..

بضحكة خجل وصوت مبحوح من السهر: وربي سخنتي اسكت خلاص

معتز ضحك: مشكلتك فيسع ماتسخني ياحبي

سكتت وهيا تعض في شاربها من الخجل

معتز بصوت هادي: حبي.. لما ماردتش عليه...طشتي.. نكلم فيك يابقرة ردي

هديل: نعم

معتز : علاش مترديش

بدلع: معادش نبي نرد عليك

معتز : وعلااش

هديل: شوف انت شن تقول.. توا مش ديما نقلك ماتفتحش معاي لمواضيع هادي