عشق الوصب

الجزء16

#عشق_الوصب
#الجزء_السادس_عشر(16)

(الرواية كوميدية رومانسية حزينة❤️)

اللهم يا خالق الأرض والسماء ..ويا منشئ السحاب ومنزل الأمطار .. ويا مدبر الأمر بالليل والنهار .. أصرف عنهم شر الإعصار وأجعلهم أمطار خير وبركة تنبت بها الزرع ، لا أمطار عِقاب ونقمة...اللهم اخرج أهلنا في الشرق أمينين سالمين كما أخرجت يونس من بطن الحوت..اللهم ألطف بهم
وهوّن عليهم..وأرحم من مات مِنهم يارب العالمين
.
.
(اسفة لأي خطأ إملائي مسبقاً..وزي ما عارفين والرجوع إلى المدارس قرب وانا في مرحلة حساسة في دراستي ادعولي وانا مش مسيبتكم حتى لو سيبتوني🌿)
.
.
.
.
.
____بقلم الرائحة الطيبة____

وفعلا زي ما قلها لسبب ما تتجاهل فيه ماخشتش زي عادتها..ولانه اصلا وقت استراحة قعدت تتمشى في الساحة وتشوف للطلبة ومية فكرة وفكرة في راسها تفكر شن ممكن حيقلها ومن بينهم فكرة كل ماتخطر عليها تحس بلوية في بطنها بدون سابق انذار..عشرة دقايق بالضبط وطلع امير من الادارة بعد ما كان المدير يسأل على الاستاذ خالد ورجعته ومن الكلام هادا..طلع من الباب ملقهاش في مكانها حس بخيبة امل خاصة بعد ما ستاقظ لكلامه لي قاله..لمعو عيونه لما شافها واقفة تحت شجرة صنوبر وتتفرج على الطلاب..مشالها بدون تردد وهوا حاسم امره بيقول لي في قلبه..وصل وقف جنبها بالضبط وقال...امير: اسف عطلت عليك وله

لتفتت عليه برفعة حواجب: من قلك كنت نستنا فيك

ابستم على ملامحها: مالاا شن وقفك اهني انتي في الوقت هادا ديما تكوني في حجرة المعلمات يا تصححي في كراسات ياتفترسي في الابلات

فنصت فيه منها متفاجئة انه مركز معاها ومنها طريقة كلامه ليها: احترم نفسك عاد..هادا جزاء كنت نساعد فيك على قد منقدر برغم إني مش ملزمة وفي غيري...رفعت حاجبها...وانت اصلا مش محتاج ياخريج بريطانيا..مفهمتش ليش الكدب ولف ودوران مش عيب على طولك وعرضك الكدب

امير: بشوية كليتيني بقشوري...سكتت بمتعاض وهي تسمعله وتمرر في نظرها على الساحة....اولا اني مكدبتش كونك مكانش عندك معلومة زي هادي ميعنيش إني دسيتها اما انه في غيرك فعلا في غيرك وهلبا لكن انا طلبت المساعدة منك انتي لأني نبيها منك انتي....احمرو خدودها وهي حاسة بشعور غريب اقرب للجاذبية وقاعد بيسحبها لتحت

ابتسم من حمرة خدودها وكمل يقول بكل ثقة: خولة..اني معجم بيك وهادا الشي لي ليا ايام نحاول نقولهولك ومش لاقي فرصة..توا انتي بتقولي منين تعرفني ولكلام هادا..اني صح منعرفش هلبا حاجات عليك لكن كل معلومة صغيرة عرفتها حسستني اني وصلتلك..اني مش طالب منك إلا فرصة نعرفك فيها وتعرفيني متتصوريش قداش جاد وشاد فيك ونبيك

شافتله وهي مش لاقية نفس من كلامه ومش عارفة شن ترد برغم مرت بالموقف هادا لعشرات المرات ولكن هادي المرة الاولى لي قلبها تصيرله ركبة ومن ربكتها قالت: غير احلم...ولفت داخله للمدرسة ومخليه وراها امير لي مش فاهم شن صار وكيف تم رفضه للمرة الاولى من انثى!..
🌿🌿🌿
.
.
.
وقت الانصراف..كان حان في ثانوية ماريا..كانت تهدرز هيا وصاحبتها فرح و واقفين يتفرجو على الزحمة قدام مدخل الثانوية بسبب أولياء الامور..