عشق الوصب

الجزء18

#عشق_الوصب
#الجزء_الثامن_عشر(18)

(الرواية كوميدية رومانسية حزينة❤️)

.
.
.

"إنّه حُب العمر الذي سيهدينا كُلّ هذا الخراب، والوصب.."

__بقلم الرائحة الطيبة___

:قولي الحق انتي اضايقتي لانه ردك عليه عبيط ولا لانه ندمتييي...ورقصتلها حواجبها فوق وتحت

خولة حست بفراغ ولوية فبطنها: اففف.. مااندمتتش لكن نفكر شن ممكن يقول عليا بس

نيرمين بشك: امممم.. عالعموم اني امك بعتتني نشوفك لانه حست عليك تتمعشقي

خولة بتفنيصه: هيا ضمي فمك شن لكلام هادا.. وربي العزة تقوليلها حاجة من لي قلتهولك معاد تحلمي بجني مني واهو حذرتك

نيرمين ابتسمت بعبط: خولة اختي وتاج راسي.. هاتي راسك نبوسه

خولة: بري غادي عليا.. نوضي من سرير هيا بنرقد شوية ونوضوني العصر

رجعت وقفت بنفس الابتسامة: حاضرين.. نطفي الضي؟

استلقت على السرير تغطت وتبعثر في شعرها على المخدة: Please ..وغمضت عيونها

طفاته وسكرت الباب وطلعت وهيا تجهز في كذبة تقولها لأمها لي اكيد حتستلمها اول ماتشوفها...
🌿🌿🌿
الساعة 4 عصراً..

كان أمير مروح من الجامعة .. اليوم استلم جدول مراقبة للامتحانات..لانه حاطينه من ضمن المراقبين وجدول محضاراته لي الفصل الربيعي لي حيبدا فيهم يوم 15 من شهر 2
وكان يرتب في مكتبه ويراجع في المادة لي بيدرسها للطلبة.. كان شعور نشوة داخله إنه اصبح ماعليه اليوم وانه حقق غاية كان يسعالها ولا يُخلى الامر بالطبع من واسطة واسم بوه لي كان ليهم دور في لمكان لي وصله إما من منحة ودراسة لبرا او من توظيفه في كلية الهندسة كأستاذ فيها بسبب صديق والده عميد الكلية لي بالأساس ليه قرابة برئيس الكلية.. وشعور النشوة هادا نفسه اصبح عنده رغبة انه يشعر بيه لما يوصل لانسانه قاعدة تحتل في عقله..

لما خش للحوش كان هدوء.. رقي مع الدرج لي غرفته طول.. لما دخل بانو ملامح القرف على وجهه

امير: معقولة اني درت الحوسة هادي كلها.. حذف شنطة اللاب ع السرير ...زوز صبايا في لحوش ميقولوش نديرو لفة على دار خونا.. خزيي بنوت باير.... توجه للدولاب لي بألاساس مش محتاج يفتحه.. خذي توتة غير ملابسه وحذف لي كان لابسهم... وخش للحمام(اكرمكم الله)..
.
.
.
طلعت من دار المعيشة لي كانت مستلقية و واخذها النوم فيها.. شافت بأستغراب للدروج لما سمعت صوت ماريا نازلة وصوتها عالي

سهيلة: كنك كنك تصيحي خبرايسما

ماريا واثار النوم والعصبية على وجهها: مش لما روحت قتلكم تعبانه بنرقد طول ومنبيش نتغدا؟ قبل لانرقد عطيت لبنتك فلوس وورقه فيها الناقص قتلها تشوف حد تبعته عبيت عليها اليوم فرح ولجين بيجوني بنقرو مع بعض تمشي تنسى وتخش ترقد الشيخة