#عشق_الوصب
الجزء السادس(6)
(الرواية كوميدية رومانسية حزينة❤️)
____بقلم الرائحة الطيبة____
~~~~~~~~~~~~~~~
🌿🌿🌿
خولة بعد ما طلعت من الحمام(اكرمكم الله) جففت شعرها على السريع ومشت تكمل في الغدي لي سيباته امها....وقفت لما تلفونها رن خداته من على الرخامه وردت...
هديل:ايوا خوخه شن جو خيرك مترديش حتى نرجس نتصل بيها مقفل منشوفكم عاركوكم ولالا معش حصلتكم
خولة : حيلك حيلك عليا خليني نرد على ايوا قبل
هديل😑: ت تكلمي بلا دراه
خولة بتنهيدة: اييي كان نقلك شن صار واحني في الطريق
هديل بأستغراب: شنن صار
سكرت خولة باب المطبخ وبدت تحكيلها من لما طلعو منها وهديل تتلقا في الصدمات وتخبط في خدها وفقولة حيي حي....
خولة: وزياده ولما روحت لقيت امي والفرخة نيرمين متعاركين وبرااا
هديل: خيرهم حتى هما
خولة : عركة عاديه ونيرمين كبرتها بقلة ادبها وهكي يعني
هديل: شن ديري توا انتي
خولة: اهو حصلت بينهم بنرفع لامي غداها بروحها لانه نعرفها مش حتطلع من دارها ونرفع لنيرمين
هديل بحزن: ربي يكون في عونك خوخه وسامحيني كان سببتلك مشكله مع امك على بيتك عندنا
خولة بمزح: ماعرفتكش مؤدبة
هديل: خزي والله جد نحكي
خولة: ماسببتيلي شي ترا مدرهيليش كبدي بكلامك هادا...هياا تشاو
هديل ابتسمت: باهي تشاو
حطت تلفونها على الرخامة وكملت تسقي الصواني...رفعت لامها قنعتها بالسيف تاكل ورفعت صونيه ليها ولاختها في الدار فرشت بقشه بين الاسرة وبدو ياكلو...
نيرمين وهيا تاكل: كان تشوفنا امك ناكلو هني تقيم علينا الحد
خولة شدت ضحكتها وبتفنيصه: نيررمين
نيرمين كملت ماكلتها وهيا ساكته وتسرق في نظر لاختها مرة مرة...
🌿🌿🌿
فات باقي اليوم من غير احداث....
في حوش الدكتورة كان الوضع هادي...
فريدة كملت يومها عادي متجاهله بناويتها التنين...توا خولة شن دخلها مش معروف دارت تحديد الكل وخلاص😁....
نيرمين مناضتش من مكانها غير في وقت الصلاة وترجع لسريرها ع اساس حرجانه ومظلومة...
وخولة كملت يومها بين تحضير الدرس لي بتعطيه بكرا وبين جدول محضاراتها...
شافت عندها محاضرتين...
الاولى الساعه 9 لعند الساعه 10
وكانت مهمه متقدرش تتغيب عليها
والمحاضرة التانيه من الساعه 12 لعند الساعه 2...قررت تمشي الاولى بما انه ماعندهاش الحصص الاولى في المدرسة...
يعني تمشي تحظر المحاضرة الاولى لساعه10
وتمشي للمدرسة تعطي حصتها الاولى لي كانت الحصه الرابعه وتبدا 10:45...
رتبت جدولها وصلت المغرب وخشت بدير عشي...
خولة خاشه المطبخ وتشوف حواليها: تقول حظر تجول اقسم بالله...حاله وخلاص
🌿🌿🌿
اما عند نرجس كانت قاعده على الصلاية...
كملت صلاة وتسبح بأناملها وسارحة...
بين تسبيحها تزاحم في مخيلتها لي صار معاها الصبح...لما تذكرت كيف خشت وسط الرجاله على خاطر بوها وهوا مأعارش اي اهتمام لهاذا كله بالشافه من ناحية انه حشماته..نزلو دموعها تلقائي..
نرجس بهمس من بين دموعها: ياربي اهدي بوي وسامحه واغفرله وصبره على مصيبته ...ياربي ارحمنا برحمتك الواسعه....رشفت وقالت....يارب احفظلي امي وناولها الصبر من معاملة بوي ليها...سكتت شوية وقالت من بين عبراتها....ياربي ارزقني راحة البال واطعمني الطمائنيئة يااربي تعبت والله تعبت....كملت تسبيح...وهيا تمسح في دموعها بيدها الثانيه وتنهدت....
ثواني وناضت من على السجادة نحت الملاية حطتها على سريرها وطلعت من الدار تشوف في امها....
نرجس:امي ويينك
أنت تقرأ
عشق الوصب
Romanceمقدمة رواية جديدة🌸 صاحبات عمر و مواقف كبرو مع بعض وقلبهم لي بعض كل وحدة فيهم شخصيتها بعيدة عن الثانيه ولي بتواجهه بعيد عن غيرها... فيه حب فيه صداقه وفيه خيبة امل وفيه عداوة وفيه مؤامرات... كله يا تواجهيه بروحك أو مع شخص مجبورة تواجهي معاه حياتك لي...
