عشق الوصب

الجزء(14)

#عشق_الوصب
#الجزء_الرابع _عشر(14)

(الرواية كوميدية رومانسية حزينة❤️)

(الرواية نعم موجودة على الواتباد..سوأل تكرر هلبا💕)

____بقلم الرائحة الطيبة____

كل أنثى على وجه الأرض خاضعة تنتظر من يستحق خضوعها..ولكن تلك الخاضعة ستختفى وتذوب عميقا لو شعرت يوما بالندم على إظهار أجمل ما فيها..!!
.
.
.
🌿🌿🌿
يوم الاحد..
6/يناير/2013..
صباحاً..الساعة 9:00

كان يوم الموعود بالنسبه لأحدهم..حيحط فيه النقاط على الحروف..خاصة بعد رجوع راجل عمته نهاية الاسبوع من السفر وبرجعته يعني انقطاعه هوا من الاجيال الجديدة...

اختار اليوم ان كان الوقت مناسب او لا مش مهم..المهم يبوح بمشاعره وميكتمهاش في قلبه اكثر من هكي
لكن لي بيصير غير منشود ومن غير تخطيط

وحالياً كان وقت استراحة وخولة ماشيه بتقعد في حجرة المعلمات كاعدتها لكن وقفت في الباب وهي تسمع في حديث يمسها ويمس سمعتها..

خش من باب المدرسة كانو عنده حصص الصبح بكري لكن معطاهمش..ناض متأخر ومهتمش لشئ غير ليها وجيته رسمي عشانها هي وبس🌿

قدام حجرة المعلمات كانت خولة واقفه في الباب وبعض المدرسات ومنهم الاخصائية سعاد لي عاطية بظهرها للباب كانت تتكلم وبعض الابلات لي يشاركو فيها لما انتبهو لخولة وشافوها داخله سكتوا وسعاد وهيا وابلات ثانيات عاطين الباب بظهر مشافوهاش

ابلة صفاء: تبو الصراحة انا من قبل متخوفه منها هادي لي يقولوها خولة وملاحظة التقارب لي بينها وبين امير الشارف
وخايفه على راجلي منها بنات توا قادرات بذات هيا جميلة هلبا

الاخصائية سعاد: عندك الحق بالذات انتي راجلك يقري اهني في المدرسة

ابلة ثانية قالت بنبرة اشبه بالهمس: انا سامعه عليها دوة هيا والاستاذ خالد قبل وكذبتها لكن شكلها صح

الاخصائية سعاد: دوة شني.؟..وهيا لا طالقه عزابي لا متجوز لاحي لاميت

ضحكو..وكملت الابله تقول: سمعت انه قداش مرة شاهدين عليهم في تراكين في المدرسة حتى مرة شافتهم ابلة فلانه بعيونها في الفصل بروحهم وزي لي يتناقشو

الابلات كانو يشوفو لخولة وهيا واقفه ووجها احمر...مع هاذا تفاجئو بلي قالاته لانه الابله لي قالت اسمها معروفه بصدقها مع هاذا اطوعت احد الابلات لي تنبيهم انها واقفه تسمع فيهم....ابلة كوثر: احمم..باهي الجو كويس اليوم مافيش مطر الباين..وتأشرلهم بعيونها على الباب

الاخصائية سعاد: خلينا من الجو توا...وكملت تقول بنبرة غيض...انا راهو كدا مرة لاحظت انها توقف فيه في الممر قريب استاذ خالد وقدام الادارة وفي كل جهة في المدرسة..الطلاب وابدوها من لي تقري فيهم حيتأثرو بيها وبتربيتها..لي زي خولة لا راجل يطلق لا عمود يفلق فا زي ماقتلكم خلو تعاملكم معاها اقل من سطحي