عشق الوصب

الجزء(15)

#عشق_الوصب
#الجزء_الخامس_عشر(15)

(الرواية كوميدية رومانسية حزينة❤️)

(الرواية نعم موجودة على الواتباد..سوأل تكرر هلبا💕)

ايام مرفوضة لكنها مفروضة.
"احمد توفيق"
.
.
.
____بقلم الرائحة الطيبة____

لما دخلو وشافوها قدام الباب بسرعة تقدمو منها وهيا نفس الشي..تغمروا بعض وهما يقولو في عبارات الشوق لأختهم..

بعدت هديل وعيونها مدمعات تقول: وحق ربي استاحشتك يادراه سحبت روحي معش نشوفك

بعدت حتى خولة وهي مبتسمة: مغبتيش عن بالي..كيف حالك توا كويسة

رشفت ومسحت دموعها لي نزلو وقالت بضحكة: مش في الباب تعالو نخشو

مررو انظارهم على الحراسه الموجودة لي توا بس انتبهو لي وجودها..تغمرت هديل دراع نرجس اليمين وقالت بهمس: شن جو افلام الاكشن هادا..صحة ليك كيف متخافيش منهم

نرجس بنفس الصوت: اني بيغمى عليا من مناظرهم وقتلك مش خايفه..تحركي تحركي بالله

دخلو الثلاثة من باب الڤيلا الواسع وهما حاضنين يدين بعض ويعبرو عن شوقهم لبعض والاكثر تعبيراً كانت هديل لي من ركوبهم مع الدرج وهي تتكلم ماسكتتش تحكيلهم على كل شي جد عليها من ابسط الاشياء زي ماتعودة ديما وهما يسمعو بأهتمام لأي كلمة تقولها حتى لو ماتهمهمش..ويكفي الشيء هادا ليوضح رابط صداقتهم
🌿🌿🌿
وفي مكان ثاني الامور مامشتش زي ماخططلها..الكابو..او شاهين..كان في اجتماع هوا و رضوان وشوية من حراسته مع اليد اليمين لإلد اعدائه لي دمر حياته وحياة عيلته..وفي مكان ما في العاصمة بعيد عن الانظار..كان الاتفاق مع الطرف التاني على سفقة ممنوعات وبعد مانباعت الكمية كلها كان لازملها غسيل اموال وهني كانت شركة أستيراد وتصدير الألعاب لي مالكها شاهين لازم تدخل..وفعلا اتفقو انه الغسيل تكون في شركة نفسها..لكن!.شاهين طلب الربع في كل شي يعني ربع ارباح الصفقه لانه هوا لي موللهم فيها وهادي متفقين عليها من قبل وربع من غسيل الاموال وهادا لي كانت جديدة ومش متفق عليها..يعني شاهين حيكونله النص وهادا مستحيل يرضى بيه الطرف الثاني بعتبار البضاعة في الاصل ليهم
كلمة جاي كلمة غادي شتدت الامور بينهم ودخلو في اشتباك وهاذا بالضبط لي كان يبيه شاهين مكانش يبي يوصل معاهم لحل..والوضع زاد سوء وهما كل واحد يتفنن بطلق النار على الطرف الثاني..ولانه شاهين داير حسابه الدعم وصل بسرعه بمجرد ماسمعو صوت الاشتباكات..حاصروا المكان وخدو الفلوس كلها..وقبل مايمشو قدم شاهين من اليد ليمين للراس

شاهين: قول لسيدك كان تبي نصيبك
وحسب شروط لي قلتهم اني اللهم ما بارك وكان هادا الحس ظهرك

بالقاسم بضحكة تهكم وكانو رجالة شاهين محاصرينه: غيرك كان اشطر مافيش مهرب من الراس فلوسه يجيبهم ويجيب راسك معاهم