عشق الوصب

الجزء التاسع9)

#عشق_الوصب

الجزء التاسع(9)

(الرواية كوميدية رومانسية حزينة❤️)

____بقلم الرائحة الطيبة____

"لامكان محدد للألم عندما تؤلمك روحك"
.
.
.
بعد 45 يوم..✨

1/يناير/2013..يوم الثلاثاء..
الساعه 10 مساء..

في زاوية الدار لي حطوها فيها ومشو كانت ساندة ظهرها وضامة رجليها وتبكي بقهر هيا اصلا ماوقفتش بكي من لما عرفت مصيرها..
كانت اولها ليله تكون تكون متجوزة...
يعني هيا ودعت العزوبية من ساعات...
مع هادا مكانتش عندها اي مشاعر غير الوجع والخوف من الجاي تشعر بيهم..
وجع..وجع..وجع هكي كانت تحس..قلبها وروحها وحتى جسمها الوجع تحس فيه في كل مكان...من بين عبراتها تتذكر هيا توا بسبب مني صاير فيها هكي..في وسط آلمها مقدرتش تدعي عليه اكتفت تقول بصوت حزين وقلب مرهق من بين دموعها: يارب يارب ياربي حسبي الله ونعم الوكيل ياربي حسبي الله ونعم الوكيل بس ااهه  يارب ياربي نبي حوشنا ياربي نبي امي يارب...

انسانه زي نرجس ابسط امانيها تعيش بين عيله متفاهمه تحب بعضها وماتصيرش بينهم مشاكل..لكن هيا وجع لقلب عرفاته من صغرها..كانت تصيرلها مواقف في طفولتها تسببلها في الاحراج بين ابناء جيلها..وحتى اطور الامر لمرحلة اصبح يسببلها في وجع..
يعني طفولة مش مستقره ولعند وصولها لمرحلة المراهقه وهيا داخل دوامة المشاكل العائلية..انسانه لاعاشت طفولة زي الاطفال
ولا شباب يخليها تتمسك في الحياة..مالا علاش نولدت في الحياة لو بتعيشها هك..؟ نصيب او قدر..؟!
ولاتخفيف ذنوب..
تخفيف ذنوب شني وهيا من يومها في الوصب!..لكن هيا هكي الحياة لو ضحكتلك مرة حتبكيك الف مرة عشان منتعودوش عليها..لانها مش مكانا اصلا الحياة مجرد محطة نوقفو عندها لعند يجي موعد رحلتنا..!
لكن مع هكي في هلبا ناس حواليها فرحانين وديما تشوف فيهم مبسوطين ليش هيا بس الاسود غالب الابيض في حياتها
شمعنى هيا..!؟ هادي الافكار لي قاعده تتداخل في عقلها..مع كل السواد لي حواليها
استغفرت ربها ع تفكيرها لين وصلها..فتحت عيونها بعد ماكانو مسكرات لانها من جيتها لمقبرتها زي ما سمتها وهيا تبكي..رمشت اكتر من مرة بسبب الضوء لي دخل عيونها..رشفت
وهي تحاول تستوعب لي صار فيها..تجمع شعور الغضب داخلها من كل شي
نزلو دموعها وهيا تتفرج على الغرفه لي
ماركزتش فيها ابدا عند دخولها
كان غرفه كبيرة شوي مدهونا برمادي الغامق فيها سرير زوجي وتسريحة كبيرة(زيانه) ودولاب كبير بحداه باب يبان حمام في الغرفه نفسها..وكانت في كنبه على الزاوية التانيه جنبها باب لبلكونا وين ما كانت نرجس تذرف في دموعها💔..
🌿🌿🌿
نرجعو شوي للخلف بالوقت✨
على المغرب تماماً..
ركبو السيارة بعد ما واسو ام صاحبتهم على قد ما يقدرو خلو عندها بعض الجارات لي كانو حاضرين شن صار..
هديل سكرت باب السيارة وبنبرة مخنوقه:خولة مش مصدقه ياخولة معقولة في اب هكي يعطي بنته بالطريقه هادي..نرجس شن دارتله علاش يعامل فيها هكي علاش يكرها