#عشق_الوصب
الجزء الرابع(4)
(الرواية كوميدية رومانسية حزينة❤️)
____بقلم الرائحة الطيبة____
~~~~~~~~~~~~~~~~~~
سكرت الباب ولفت قبل تخش سمعت الهدرزة عالية وضحك البنات استغربت كملت مشي لجنان ورا الحوش لعند وصلت شافت معتز واقف عليهم يهدرز....
معش عرفت تقدم ولاتوخر بعد تنبيه خوتها على الحجاب...شافها معتز واقفه عجباته هلبا بالاخص وهيا قاعده بلبس اللمة وكانت حاطه شال خفيف على كتافها
معتز : تعالي سلمي ياطشه
شافو كلهم وين مايشوف....
قدمت وسلمت عليه: كيف حالك اليوم
معتز ضغط على يدها :ميه ميه
بعدت ايدها وقالت: صقع ياعيلة هيا تخشو
مناير: كيف بنخشو جي معتز
ليلى: معتز هيا توصلنا ولدي انا واختك
معتز : هيا اني جايكم اصلا
هديل: خليكم عمتي النهار تم هوا روحو غدوا وخلاص
ليلى: لا وين يابنت خوي عمك اشرف(راجلها) راهو توا مداير مناحه من امس يوصي اخرلك يوم وهوا هاذاكا لينا ايامات الحوش يبي قلبا باهيه....هيا عليا نوضي جيبي كان عندك حوايج
هديل مبتسمة قالت بمجاملة: باهي براحتك عمتي لاكن عليا خليها لبنات بايتين نكسدو مع بعض
عليا شافتلها وفبالها تقول"عليك زمزكة هادا كله ع خاطر زير سالم خوي"
ليلى وقفت: شني تقعدي عليا
عليا: عادي مدام لبنات قاعدين تو يجيني معتز غدوا.....شافتله.....تجيني وله
معتز : تو نمر عليك غدوا واني مروح من الخدمة...هيا واتيه يمى
ليلى متجهه للحوش: هيا هيا نجيب ساكويا ونطلع
روان غمزت لمناير: هيا نخشو حتى احني
مناير فهمت عليها: اي هيا...تخشي عليا؟
عليا بهزوة ع حركاتهم: خاشه اهو......ومشت بتخش للحوش...
مناير: مع سلامة معتز
روان: تصبح ع خير..
معتز : مع سلامة...وانتم من اهله
خشو روان ومناير...
هديل شافتلهم بعدين شافتله بحب: تغديت حبيبي؟
قرب خطواته ليها وقال: اي وخلينا فيك علاش زايدة قنانه؟
هديل توخر بخطواتها وقلبها يدق: عادية انا انت لانك تحبني تشوف فيا هكي
معتز ضحك شد يديها: ياعيني على العبد الواثق
هديل تحاول ترخي ايديها ورافعة حاجبها ليسار: باهي فك يدي مدامك متحبنيش
أنت تقرأ
عشق الوصب
Romanceمقدمة رواية جديدة🌸 صاحبات عمر و مواقف كبرو مع بعض وقلبهم لي بعض كل وحدة فيهم شخصيتها بعيدة عن الثانيه ولي بتواجهه بعيد عن غيرها... فيه حب فيه صداقه وفيه خيبة امل وفيه عداوة وفيه مؤامرات... كله يا تواجهيه بروحك أو مع شخص مجبورة تواجهي معاه حياتك لي...
