عشق الوصب

الجزء (11)

#عشق_الوصب

الجزء الحادي عشر(11)

(الرواية كوميدية رومانسية حزينة❤️)

____بقلم الرائحة الطيبة____

"تركت أمري إليك وهُوَ عَلَيَّك هَيِّنٌ ، و وكلتك أمري كُله وأنت الذي إِذَا أَرَدَت شَيْئًا قُلت لَهُ كُن فَيَكُونُ."
.
.
.
.
امير بعد ما طلع من المدرسة مشي دار دورة في لكلية الهندسة ولانه واخد اجازة قبل الامحانات..مشي لمحلات الذهب متع بوه لانه مرة مرة في وقت فراغه يساعد فيه..مشي ولقي بوه في واحد منهم خش سلم عليه هدرز شوية وخلاه يروح يتغدى ويرتاح وقعد مكانه في المحل لعند اذان المغرب خش عليه لوليد لي شاد المحل التاني سلم عليه وعطاه المفتاح وروح وامير سكر المحل حتى هوا وطلع بيروح..جاه تلفون رد

امير: ايوا مهاب

"وين انتا"

امير:مروح للحوش خيرك

"باهي مليح مر عليا في المحل سيارتي واقفه في الورشه"

امير: ياعليك حالة وخلاص حسيت روحي بديت الشوفير متع بوك..موضوع كل شوية تبيني نشيلك ونحطك حتى ماليك ماعانوك زيي

"بلاا م$$$ ياراجل..هيا شني"

امير:وين مخويك

"مؤيد قلي مروح تعبان ومكر في اصلي..ت بتمر ولا ندور ام&&& يروح بيا"

امير ضحك: اعصابك يابيبي..هيا اطلع قريب نوصلك

"مزطت &&&"...وسكر عليه

ضحك عليه..وشويه و وصل فيه ركب معاه

مهاب: سلاموعليكم

طلع بسيارة : وعليكم..وين تبي

مهاب طلع باكو دخان خدي طرف حطه في فمه ولعه ودس الباكو والولاعه في جيبه: للحوش وين يعني

شافله امير بجنب وفتح رواشن السيارة: يوم من الايامات بنشوشد عليك عمي..اني عارف جاي ليوم هادا

جبد من دخان وقال بملل: ترا فوتني..ارقد على&&& وهنيني

امير شافله ورجع شاف للطريق: عارفك علاش اني هادا كله..هونها تهون ياولد عمي

قعد ساكت ويدخن..وامير فتح المسجل بعد مافات وقت على الاذان

كان بيحط اغنية معينة..لكن وقف لما سمع موسيقى لاغنية قديمة..خلاها وابتسم على جنب وكمل يسوق

اوول مااشوفتك
لمست قلبي بنظرة واحدة
نسييت جراحوو
لقيتك انتَ

اول ماسمع كلمات الاغنيه جت في باله وخطرو عليه اللحظات لي كان فيهم بقربها..كان في هلبا كلام فخاطره ومشاعر قاعده تتكون بسرعة في داخله وحتى هدرزة يبي يقولها..واكيد مش حيبوح بيها حاليا إلا لي حبيبته الاولى وحط فباله اول مايروح يقعمز مع امه ويحكيلها..كمل هويامه وهوا يسمع في كلمات الاغنيه بأبتسامة خفيفه على مبسمه..