عشق الوصب

الجزء(12)

#عشق_الوصب

الجزء الثاني عشر(12)

(الرواية كوميدية رومانسية حزينة❤️)

____بقلم الرائحة الطيبة____

‏مَا كُنت أُومِن بِالعُيُون وَفِعلُهَا
‏حَتَّى دهتني فِي الهَوَى عَيْنَاك
‏الْحَسَن قَدْ وَلَّاك حَقًّا عَرشه
‏فتحكمي فِي قَلبِ من يهواكِ💕..
.
.
.
.
الساعة 4:30 عصراً
خولة واختها في طريقهم مروحات من كليّاتهم
وخولة كانت مرهقة بالاكثر..وصلو نزلو طول خشو للحوش سكرو باب الحوش كويس عليهم وخلو الباب الخارجي عشان امهم..غيرو حوايجهم وبعد ما صلو نيرمين للمطبخ وخولة للسرير طول رقدت وبالها مرتاح ومخليه غيرها باله كله عندها وعند عويناتها الزرق💕
ولي قاعده فباله روح للحوش بعد ما كان في المحل..خدي مكانه بوه وهوا مشي للحوش يرتاح لكن اول ما خش لحوشهم وسمع دوشة بنت اخته بشرى"هاجر" باعد فكرة الراحة من راسه بالمرة.. ولي قاعده فباله روح للحوش بعد ما كان في المحل..خدي مكانه بوه وهوا مشي للحوش يرتاح لكن اول ما خش لحوشهم وسمع دوشة بنت اخته بشرى"هاجر" باعد فكرة الراحة من راسه بالمرة
                       ~~~~~~~~~~~~~~~~~~

خش عليهم في المعيشة لقاهم مقعمزين الاربعه حوالين امه ويضحكو و الباين هاجر هيا لي تتكلم

زمرد قرصت ذراعها: خلاص ياافرخة بطني من الضحك

بضحكة: ااحييي..ياخويلة قاعدة مكملتش ردة فعل ماما شن دارت..اصبرو ماتضحكوش توا

امير: كيف حالكم ياعيلة...اووو ام الدوشة هني

شافوله و ردو عليه وهاجر وقفت تسلم عليه بالوجه

هاجر: شن جو خالو

امير باس راسها: الحمدالله يا خالو..شن حالك انتي

هاجر:كويسة..ورجعت قعمز بينهم

سهيلة: تريد تتغدى..نوضن حطن لخوكن غداه

امير: لالا كليت برا..نبي نرقد شوية ونوضوني قبل المغرب

سهيلة: اي نوم هادا الساع العشية تخلص خليك قاعد معانا ورقد في الليل

امير وخر شعره: مش عاارف..مالا نركب شوية ونجي اصلا مادام عندنا الفرخه هادي من وين بيجي النوم..بعدين تعالي جاي مش ماليك بيجو غدوا علاش ماجيتيش معاهم

هاجر حطت يدها ليمين في نصها: برا برا مش جاية فحوشك لما دير حوووش بأسمك ويبدا لييك انتَ بس هاداك الوقت حنجي والله وندير صحبة مع مراتك فوقها

ضحكو عليها خالاتها وحناها

وامير طول جت بين عيونه وحدة بس لما قالت مرتك ابتسم وقال: صحيحة وجه عارفك

سهيلة: خلي بنت خيتك فحالها..صدقت فيك اي والله

امير: ماشي عارفك مع الصبايا ماعندكش الروح ياسهولة تو ينفعوك..اوينا