عشق الوصب

تشويق

#تشويق
على قد مايفاجئ فيها قبل..المرة هادي المفاجأة فاقت المتوقع..بالداره قاعد يأكدلها انه مركز على كل كلمة تقوله فيها التافهه قبل المهمه..قعدت ثواني مصدومة وحاطة يدها على فمها وتحاول تتأكد من لي تسمع فيه..فرحت هلبا وحست السعادة المؤجلة غمرتها..معقولة في حد يحبها لهدرجة وقاعد يدير في كل شي عشان يكسب قلبها اكثر واكثر؟...التفاعل على لي صار كان رهيب والمستمعين بالأخص "الأناث" ذابو في حركته لي صنفوها قمة الرومانسيه والجنتلة...والمقصود قاعد على الخط يسمع في انفاسها ويبي يعرف ردة فعلها على لي داره وتمنى لو يقدر يشوفها....دقايق من الصمت لعند كسره وهوا يقول بصوت هادي" تقبلي تتزوجيني...ثواني وتابع يقول بنيرة حركت فيها كل المشاعر الحلوة....اتقبلي الزواج بشخص يجيد صنع الشاي وجدل الضفائر  ومعتاد على النكد ويحبك حد السّماء وميسور الحال ويرحب بزيارات اهلك..🌿
#عشق_الوصب
#بقلم_الرائحة_الطيبة