#عشق_الوصب
#الجزء_السابع_عشر(17)
(الرواية كوميدية رومانسية حزينة❤️)
(اسفة لأي خطأ من اي نوع مراجعتش الحلقه مستعجلة بنرقد وراي نوضة بكري.. وادعولي نجاوب غدوا لطفاً💖)
"الحُب ليس الاوقات الطويلة أو كثرة اللقاءات بينكما..الحب هو اللحظات القصيرة التي تقضيانها معاً ومحاولة أحداكما المستمرة للسيطرة على ذلك التوهج أثناء اللقاء"
.
.
.
.
____بقلم الرائحة الطيبة____
1:00 ليلاً
كان واخذها النوم على كنبة في وسط الحوش قدام التلفزيون بعد ما حاولت هلبا في امها..كانت مدايرة وضعية الخفاش وهيا حاطة يد على وجهها والثانية ماسكة بيها تلفونها ..وثانيا رجليها لحضنها... قرب منها وقعمز على راس اصابعه قدامها بالضبط يتأمل في شكلها وانفاسها رموشها وتفاصيل وجهها والشامات المتناثرة في عنقها.. رفع يده خدي الهاتف من يدها مقدرش يشوف على شن كانت حاطة بسبب الرمز حطه على الطاولة ورجع يشوفلها.. رفع يده مرة تانية بعد خصلة من شعرها على خدها لفت نظره لون شعرها الكستنائي.. فجاة فتحت عيونها وكانت حتعيط بفزع لكن بسرعة حط يده على فمها
: اششش..اسكتي
تشوفله بخوف وهوا قريب منها...شاهين: شن رقدك هني
تشوفله ومش قادرة ترد بسبب يده لي على فمها وقلبها يدق خوف...بعد ما فهم عليها من نظراتها بعد يده وقعد على الارض متكي على الكنبة لي قاعدة عليها نرجس وتشوفله
نرجس بتردد: واقف على راسي شن كنت دير.. وامتى روحت من سفرتك
لفت وجهه شافلها ثواني وفجأة وقف وقمعز جنبها على الكنبة...حطت يدها على قلبها بفزع ودنت شوي من جنبه: خلعتني
شاهين: ملاحظ انك تنخلعي بسرعة وتتوتري بسرعة وحتى متقدريش تجمعي كلمتين على بعض قدامي ..وانتي؟
نرجس بأستغراب: اني شني
شاهين ابتسم على جنب: ملاحظة ولالا..خيرك اضيعي وتنسي بسرعة هكي ...تشوفله ببلاهة كانت لعند ما استهزئ بيها
نرجس ببرود: نعست واني نحاول نتصل بأمي
شاهين رفع حاجبه بعدم فهم... ابتسمت بكره: رداً على سوألك الأول.. لو مانسيتاش... وقفت خدت هاتفها من على الطاولة والاخير يتفرج على شعرها لي يتحرك مع حركتها...بعدت من عليه وكانت حتركب... ابتسم وقال: امك في المستشفى من امبارح
وقفت..شافتله ثواني ورجعت قفت قدامه بخوف: تقول هكيي على خاطر رديت عليك وله؟.. بنظرات رجاء...قولي بالله عليك بالحق لي تقول فيه؟
حط رجل على الثانية: انتي شن رايك
تشوفله بعقدة حواجب وفي عقلها" مستفز حقير تافه ضايع..ياااارب خلصني منه"
أنت تقرأ
عشق الوصب
Romanceمقدمة رواية جديدة🌸 صاحبات عمر و مواقف كبرو مع بعض وقلبهم لي بعض كل وحدة فيهم شخصيتها بعيدة عن الثانيه ولي بتواجهه بعيد عن غيرها... فيه حب فيه صداقه وفيه خيبة امل وفيه عداوة وفيه مؤامرات... كله يا تواجهيه بروحك أو مع شخص مجبورة تواجهي معاه حياتك لي...
