عشق الوصب

الجزء20

#عشق_الوصب
#الجزء_العشرون(20)

(الرواية كوميدية رومانسية حزينة❤️)

.
.
.

"أسفة لآي خطأ املائي مسبقا كان بودي نديرها اطول بس مقدرتش نخليكم تراجوا اكثر❤️"

__بقلم الرائحة الطيبة__

(سنظل مدينين لمن احتوانا بأفعاله..بأنفاسه قبل كلماته)
كلماتي

.
.

:بعد اذنكم نشوف البنات خيرهم عطلوا بالغدي

هنيه: راجي فريدة.. قبل الغدي في موضوع لازم ندوو فيه ونتفاهمو عليه

سمير تأكيداً: وضروري نتفاهمو عليه

ركز معاها الكل لانه حتفتح الموضوع لي جو على خاطره

هنيه: احني جيتنا كلها على خاطر الموضوع هادا وانتي عارفة وزي ماقالتي الطريق طويلة وماجيناش المسافة هادي كلها ع ماهناك شي

نزلت راسها تشوف لمخدة الجلسة بأبتسامة بسيطة ليها مخزى و وجع.. في داخلها تلوم في نفسها انها فكرت جيتهم المرة هادي ماليهاش اي نية غير شوفتها هيا وبناتها

.
.
.
في المطبخ..
كانت نيرمين شادة الهاتف و خولة تحط في الصحون سلاطة..

نيرمين: مرة هادي جيتهم كسودي شكله

خولة: مستحيل

رفعت عيونها من على الهاتف: علاش مستحيل؟

خولة: مافيش مرة جو بدون سبب ديما في سبب

نيرمين نزلت عيونها: اممم صح .. لكن مافيش مرة جابو معاهم حاجة حتى بالكدب

خولة شافت لهاتفها يرن: الحمدالله مش مستحقيلهم.. بحداك شوفي من يتصل

نزلت هاتفها وقدمت خطوة تشوف لهاتف خولة لي كان فوق الكوشة..لقطاته ولما شافت الصورة لي طالعة على الشاشة والرقم ابتسامتها توسعت..

خولة: مني؟

شافتلها و وجهت الهاتف ليها: الطرف

قدمت بعصبية خداته منها وفصلت عليه..

خولة: عليك عش

نيرمين بتساؤل: قصدك تكلمي فيه.. قوليلي من امتى تتكلموا؟

تشوف لرسائل لي بعتهم برفعة حاجب: تافه

نيرمين: ترا وريني شن بعت...قدمت منها لعند لصقت فيها وتشوف معاها في التلفون.. قرت اخر رسالة قبل لا تسكر خولة شاشة الهاتف

"عفكرة امك الطف منك بهلبا"

نيرمين ضحكت: شن بتكتبيله

بعتت رسالتها لي كان مضمونها "لوسمحت خليني محترماتك" وبقرف شافتلها: تي حولي تتنفسي في رقبتي.. بري ولعي ع لبصلة تسخن امشي