ناِدرة الأوصاف وفي حلاها مُحال ومِن حُسنها يغار البدر

التعريف والبارت الاول ❣️

السلام عليكم
بسم الله الرحمن الرحيم
اسم الرواية : ناِدرة الأوصاف وفي حلاها مُحال ومِن حُسنها يغار البدر

نبدأ بتعريف.....
(عائله ابو ياسر )
ابو ياسر : محمد يبلغ من العمر٥٥ عاما حنون جداً مع عياله وبنات ويخاف عليهم من نسمة الهواء لكنه شديد..
ام ياسر : لطيفه تبلغ من العمر ٤٠ عاما حنونه وطيبه مع الكل وتحب بناتها كلهم وباالاخص نجد
نجد ( بطلتنا) : تبلغ من العمر ١٧ عام جميله جدا جدا تملك اللون الحنطي يميل على البياض وشعرها الادهم يوصل الى اخر ظهرها مدرج.. مصابه بسكر من كان عمرها ١١ عام ولاكان كانت نفس اسم مرضها شخصيتها حنونه بس تخاااف من شي اسم ابره او دم ولها عدوات بالمدرسه وعنيده ولسانها طويللل......
فارس : حنون وطيب على خواته اقرب وحده له هي نجد كلشي يقللونه لبعض يبلغ من العمر ٢٤ عام
ياسر : نفس فارس لكن اقرب وحده له هي ترف يبلغ من العمر ٢٠
ترف : جميله جدا وحنونه مع الكل أقرب واحد لها من اخوانها ياسر تبلغ من العمر ١٦ عام
فخر : زي ماقالو العنقود سكر معقود عمرها ٣سنوات تحب اختها نجد ونجد تموت فيها لدرجه تقول لها ماما
عائلت البطل
ابو عبدالله : حمد يبلغ من العمر ٥٤ يحب اخوه محمد حنون مع الكل بس شديد اشد من محمد
ام عبدالله : أحلام طيبه وعسل تبلغ من العمر ٤٦ عاما تحب وحده اسمهاا نجد وتتمنها لا ولدها عقاب
عقاب ( بطلنا) : اقل كلمه تنقال عنه شديد اليأس قاسي لكنه جميل وله في السلك برتبت عميد جوه البر وقمر والقصايد ومايعرف يتعامل مع الجنس اللطيف يبلغ من العمر ٢٨ عام......
عبدالله : حنون وطيب عكس اخوه عقاب وله في السلك برتبت عقيد يبلغ من العمر ٢٦ عاما
نوره : حنونه وعسل بمعنى الكلمه وجميله تبلغ من العمر ١٧ عاما وهي البنت الوحيده وتحب نجد
( الباقين تعرف عليهم بالوقت المناسب).....
البارت الاول
الصباح بديره الساعه 5:32)
اتجه ابو ياسر يصحي عياله للمدرسه في غرفة البنات
ابو ياسر اتجه لانجد
ابو ياسر : نجد يانظر عيني يالله قومي
فزت نجد ابو ياسر : بسم الله علي
نجد : بسم الله سم يابعد روحي ابشر
ابو ياسر اتجه لسرير ترف
ابو ياسر : ترف يالله ياروحي قومي
قامت ترف وقالت وهي : ابشر من عيوني
ابو ياسر ابتسم وباس راسها
واتجه لغرفة العيال
ابو ياسر : يافارس ياياسر يالله وانا ابوكم قومو صلو وتجهزو للمدرسه ودو خواتكم للمدرسه
قام فارس : ابشر يبه
ياسر ماقام ( ياسر معروف بثقل النوم) دق ابو ياسر عصاه على كتف ياسر فز ياسر وقال ابوفارس : قم يسوسه اخلص
ابتسم ياسر وقال : ابشر
وقامو وافطرو وراح فارس للجامعه وهو وياسر للمدرس بعد ماودا خواته للمدارس
(عند نجد بالمدرسه)
استاذنت تروح الحمام وفعلاً راحت وقابلت بنت معها مشاكل كثيره محد يقدر عليها حتى المديره ونجد كانت خايفه بس تسوي نفسهه عادي تقدمت البنت وصكت كتف نجد وقالت بصراخ.. : عما مااتشوفينن
قالت نجد وهي رافعه حاجب :انتي يالي ماتشوفين ياداليا
لفت لها داليا ومسكتها مع رقبتها وخنقتها وقالت بصراخ : انا تتبلين علييي؟؟؟
نجد قامت ترجف : والله ماتبليت عليتس
قعدت تضحك عليها داليا : انتبهي لحركاتس تراتس مانتي معجبتني قامت وخلت نجد بتموت من الخوف وقامت نجد وغسلت وجهها تذكرت اليوم خميس واستانست عشان بيجي عمها ابوعبدالله ورجعت للفصل.
( في بيت ابوعبدالله)
نوره : اقول يبه
ابوعبدالله : هلا
نوره: متى نروح لديره؟
قام ابوعبدالله وقال : تجهزو بعد شوي نمشي وانت ياعقاب لازم تمشي عمك زعلان عليك
عقاب : ان شاء الله يمكن الاحاقكم العصر
ابوعبدالله عصب وقال : قلت لك تمشي يعني تمشي مع الله وخلقه سمعت
عصب عقاب بس تذكر انه ابوه وقال : ابشر
( في الديره وتحديداً بيت ابو ياسر .)
ع ساعه 12:45
وصل ابوعبدالله وعايلته للبيت وسلمو ع الكل ودخلت ام عبدالله ونوره للبيت بعد ما سلمو وقالت نوره: ياعمه وين نجد؟
قامت ام ياسر تحاتي بنتها نجد مو من عادتها تتأخر وقالت : والله ما ادري بس تلقينها على وصول ولا الباص تأخر عليها
قالت نوره : يمكن
وشوي دخلت ترف ولما شافت نوره ركضت لها وضمتها وقالت: اشتقت لتس ياكلبه ضحكت نوره و قالت: اشتاقتلس العافيه بس لاعاد تسبين ضحكت ترف وقالت : بروح ابدل واجي... يمه وين نجد ؟؟
خافت ام ياسر وقالت : بقوم ارسل واحد من العيال يشوفها مو من عادتها تتأخر الى الساعه 1:15... ترف خافت على اختها وحاولت تهدي الوضع وقالت : معليه يمكن خرب الباص بها