البارت الرابع
* حصه * تكون اخت محمد وحمد من ابوهم وكانت قاطعتهم من سنين هربت مع حبيبها من ذاك اليوم تبرو من اختهم وكان كرهاها لنجد كانت ماتحبها مع انها اخر مره شافتها يوم كان عمرها ٧سنين تبلغ من العمر ٤٥ وعقيم
(في بيت ابو ياسر ) كانت حصه تصارخ على نجد ونجد كانت تضم امها قالت حصه : اسمعيني انتي يالداشره لاتحسبين ان ما احد يدري انتس تطلعين مع عيال وخزياه وا.... قاطع كلامها كف من نجد لا اول مره، نجد تدافع عن حقها وقالت هي وتصارخ بوجها : انا اشرف منتس واطهر منتس يالعقيم سمعتيني مو انا جابوني امي وابوي واسكت عن حقي سمعتييي وضحكت حصه وقالت : عجيب والله تضربين عمتس يالي ماتستحين ورا مادفعتي عن نفستس يوم ضربتس داليا
قالت نجد بصراخ بوجهها : ليه قالو لتس كل الناس حصه اي واحد القاه بشارع اهج معه، اي انا اضربتس وش عندتس؟!
همست بأذن نجد وقالت : وترا الكل يدري انتس تحبين خالد ولد ابو خالد نجد كانت واقفه بشموخ ولما قالت ذا الكلام ماقدرت توقف على رجولها واغمى عليها فز فارس وشد نجد وقال ابو ياسر بصراخ : والله ان ماطلعتلي لطلع روحتس سمعتي اطلعي والتفت لفارس وقال: ترف بسرعهه جيبي ماء وراحت ترف وجابت الماء ورشه ابو ياسر على وجه نجد وفزت نجد ولما شافت كل الناس فوق راسها تذكرت الحادثه ولفت وجهها لامها وقعدت تبكي بحضن امها وقالت : والله يمه ماسويت شي غلط ولا طلعت مع احد اه يايمه الدنيا قلبت علي
وتكلم عمها وقال : وش هل الحكي يالنور ها والله حنا مصدقينتس بس ادخلي وريحي نفستس
كان عقاب منصدم من جرأت نجد ومن صراخها على عمتها
وعدت الايام وراح ابوعبدالله لا رياض
(يبت ابو عبدالله يوم الثلاثاء العصر) تقدم عقاب بعد تفكير وقال : يبه ودي اكلمك بموضوع
قال : اسلم
قال : سلمت بس قلت دام الله ميسر حياتي ابتسم ابو عبدالله وكمل انا قررت اتزوج
وقال ابوعبدالله : ومن هي سعيدة الحظ
ابتسم عقاب وقال : والله سعيدة الحظ هي النور وان شاء الله لا رحنا الديره بتقدم
قال : ان شاءالله واحسن ما خذيت البنت مالها الا ولد عمها
ونادا ابوعبدالله ام عبدالله
وقال : عندي لتس بشاره
ونطت نوره من ورا الباب وقالت : والله تقلون البشاره ونوير ماهي فيه وفجأه جاء عبدالله من ورا نوره وقال : وعبود بعد؟؟ وضحك عقاب وقال : ماقلنا شي ادخلو وتسمعون البشاره ودخلو وقال عقاب :اسمعوني انا قررت اتزوج بنت عمي نجد وان شاء الله الخطبه بعد بكره الخميس
فزت نوره وضمت عقاب وقالت : تعيش ياخوي بس... رد عقاب وقال بأستغراب : وشو الي بس ها؟!
تقدمت وهمست بأذنه وقالت : بس هي صغيره وماتحبك اذكر مره كنت قاعده اقول لها باخذك لا عقاب قالت لي :اموت ولا اخذ عقاب ياخي يخوف ضحك عقاب وقال: مولازم ترضى باخذها بكسر خشوم والابحب خشوم
ارتعبت وقالت : تكفى ياعقاب لاتجبر البنت عليك احتدت نظرته وقال :يبه الخطبه يوم الخميس السلام عليكم ابتسم ابو عبدالله وقال : ان شاءالله
وطلع عقاب متجه لدوام بعد دوامه الديره
أنت تقرأ
ناِدرة الأوصاف وفي حلاها مُحال ومِن حُسنها يغار البدر
Poetryتخوض بطلاتنا نجد حرب الكراهية لولد عمها عقاب الي اشد مايقال عنه شديد الياس ويكره العناد وبطلتنا عنيده....
