ناِدرة الأوصاف وفي حلاها مُحال ومِن حُسنها يغار البدر

البارت الرابع عشر 💞

البارت الرابع عشر

مشا ابو ياسر قبل الكل لانهم تأخرو
قالت ترف بتسأول : الحين نجد الأولى والا الثانيه؟!
قال ياسر : الثانيه
قالت ترف : زين على بالي انها الأولى واخذ عليها التبن اسماء مالت عليهم كلهم
ضحك فارس وقال : هاذا همكم يالحريم
كملو سوالف
حس ابو ياسر ان السياره قاعده تلعب بالخط والفرامل وماتشتغل
كان مسرع سرعة جنونيه
جت سياره جنبه قاعده تحده توترت ما عرف ايش يسوي كان يسمع ترف تبكي وتصرخ وتدعي ويسمع فخر تبكي ويسمع ام ياسر تمتم بالاستغفار والحوقلة
كانو فارس وياسر متمسكين بعض ويدعون مايصير شي

كان يبي يلف لكن للأسف انهم انقلبووو
انقلبو اكثر من قلبه........

حست بنغزه بقلبها بس تجاهلت الموضوع.......

ركب عقاب السياره لانه وقف عند البقاله
كان الهدوء سَيد الموقف، كانت نجد تتصل بافارس لكن مايرد وتتصل باابوها مايرد واتصلت على امها ماترد استغربت ودخل الشك بقلبها...
شاف عقاب حادث وقال : الله يلطف بهم
شهقت نجد ولفت لعقاب وقالت له وهي تبكي : وقف وقف هاذي سيارت ابوي بسرعههه
وقف عقاب ونزل عشان يتأكد انها سيارة عمه
لف من انتبه لياسر الي طار من السياره وركض له وقال وهو يصرخ : ياسر بك شي
كان ياسر قاعد يون ويقول : اههه يديييي ظهريييي
شهقت نجد وهي تنزل تركض كانت تصيح : لا تكفونن لاتروحون لا يايمهههه
ركضت نجد لياسر وقالت : ياسر ياويل حالي
حطت راسه على ركبتها وكانت تبكي وتقول : وش صار مين الي سوا كذاااا
قال ياسر بتعب : روحي شوفي اهلي حاولي تطلعينهم
اتصل عقاب على الإسعاف
لف بعدما قفل وانتبه لنجد الي كانت تحاول تسحب ترف وفخر وتصيح وتصارخ
ركص لها ومسكها ضمها لصدره عشان تهدا قال : يانجد اهدي تكفين خليك قويه
ضربته نجد وهي تبعده قالت وهي تصرخ : رح طلععع ابويييييي طلع امي طلعععع فخرررر وترررففففف لاتوقف كذااااا سو شيييي طلععععع فااااارسس تكفى لا يصير لهم شي

كانت تحاول تبعد عنه عشان تنقذ احد من افراد عيلتها
لكن كان عقاب ماسكها عشان مايصير لها شي...

وصلت سيارات الاسعاف وكانو قاعد يحاولون يطلعونهم لان السياره معدومه
طلعو محمد ركضت له نجد وكانت تشاهق وتقول : تكفى يابوي لاتروحون وتخلوني... لحالي تكفون ما ابي اصير يتيمه
كان عقاب يحاول يمسكها وضمها لصدره عشان ماتروح وتشوف اهلها كذا بذا الحال
تقطع قلب عقاب على نجد
كان قلبه يتقطع قطع من يشوف خوي دربه واخوه ولد عمه
فارسس يطلعونه من السيارة ماكان يقدر يترك نجد لانه عارف راح تروح لهم وهو ما يبيها تشوفهم ولا يبيها تتأزم

ندم على كل حرف نطقه يوم تهاوش مع فارس
كان جالس يلوم نفسه....
صحا على نفسه من شاف الاسعاف ركبهم كلهم ونجد تبكي تبغى تركب معهم عرف انه سها وترك نجد من شاف فارس