ناِدرة الأوصاف وفي حلاها مُحال ومِن حُسنها يغار البدر

البارت الثاني عشر

البارت الثاني عشر

عند نجد وعقاب
وصلوو للفندق الي حاجزه عقاب..
دخلو الغرفه وقال عقاب : اسمعني زين انتي بدلي وانا بروح اجيب عشاء
قالت نجد : ماابي شي لا تجيب عشاء
قال عقاب بهدو وهو ماسك نفسه عشان مايعصب ويرفع صوته عليها : كيف ماتبين عشاء مانتي بصاحيه؟!
قالت نجد بعناد : اي مابغا ماني مشتهيه شبعانه
عصب عقاب وقال : وربي ان ماتعدلتي يانجد لاتشوفين شي مايسرك

قامت نجد وطنشته لفت من سحبها عقاب من يدها وقال بصراخ : انا اذا تكلمت ماتلفين سامعه؟!
نفضت يدها وقالت بهدوء : ماني لافه وش بتسوي لو مالفيت بتضرب؟ اضرب

عجز عقاب يمسك نفسه، أعطى نجد كف وقال وهو شاد على شعرها : عشاء واحلمي به وبكره على بيتك وراح تستقبلين الهدايا المنتظره لتس وانقلعي مقلاع الاولين انخمدي نامي

فك شعر نجد ورمها على الارض وطش شماغه وبشته وطلع

طلع تارك نجد وراه تبكي دخلت للحمام تبدل اخذت شور ومسح الميك اب حقها وطلعت لبست لها بجامة بلون الاسود  وخلت  شعرها مفتوح ونامت على الكنبه  وهي تبكي من بداية حياتها

عند عقاب
طلع وهو كاره حياته وطلع وهو مايدري وش يسوي سوا شيء محد يدري عنه وتورط، طلّع البكت وقعد يدخن بشكل مؤذي له طلع جواله من جيبه من جاه اتصال رفع السماعه وفتح الخط قالت بكذب وبدلع زايد وماصخ : حبيبي انت وش الي مسهرك لايكون ازعجتك انا!

قال عقاب بأبتسامه مزيفه : والله كنت طالع أتمشى ليه انتي مانمتي؟
قالت بطفش من وضعهم لهم ثلاث شهور وهم متزوجين......

ومافي احد يعرف غير اهلاها؟!! : عقاب متى بتعترف فيني اني كازوجه لك اليوم وكان عرسك على المريضه واعترفت فيها وانا لا تراني طفشت من وضعنا!!

قال عقاب بهدو : بكره بليل اجي آخذتس انتي ويها بيت واحد سامعه؟.
قالت بفرحه مزيفه : تمام الحمدلله مابغينا انا وانت مع بعض
قال عقاب : يالله مع السلامه انا وصلت..
قفل ودخل الفندق ودخل الغرفه
لقا نجد نايمه على الكنب تنهد ودخل اخذ دش وفرش سجادته يصلي الوتر...
سلم وراح دخل غرفته عشان ينام وبالفعل ماطول ونام

~الصباح بالفندق ~

قامت نجد صلت الفجر وقرت لها قران..
قامت تشوف عقاب قام صلا او لا
دخلت وجت عند راس عقاب وقالت بهدو : عقاب عقاب
قال عقاب بصوت ضخم آثار النوم : نعم
قالت نجد وهي تطلع : يالله قم صل
قام عقاب وراح دخل الحمام وانتم كرامه اخذ له شور سريع وطلع من الحمام وهو لف المنشفه على خصره
صرخت نجد بقرف
فز عقاب وقال : وجع خير وش ذا الصراخ يملا سد الحلق
قالت نجد بقرف : يع انتي مسوي نفسك ترزز قدامي يع يع خربت ابو المزاج
لفت منه وراحت عشان تشرب ماء
ضحك عقاب ودخل الغرفه ولبس فنيله وسروال
طلب لهم فطور
....
وصل الفطور ونادا عقاب نجد وقال : يالله الفطور تعالي
قالت نجد :طيب دقايق بروح احلل واخذ ابرتي واجي
راحت نجد واخذت ابرتها وغسلت يدها وجلسو فطرو وشالت نجد الفطور وجت من نادها عقاب
قالت نجد : هلا
قال عقاب: اسمعي يانجد اول شي مبروك عليتس انا ومبروك علي انتي انا مابيتس تحبيني ولا راح احبتس ابد بعد كلامتس الي قلتيه المهم امي وابوي ابيتس تحطينهم بعيونتس وما ابي مشاكل شف اخوك وشف اختك اخوي واختي فوق كل شي بموضوع الضرب انتي لا تعانديني وما اضربتس وهاذا الي عندي