ناِدرة الأوصاف وفي حلاها مُحال ومِن حُسنها يغار البدر

البارت العاشر

البارت العاشر
جاء الخياط يقيس سعود قال : يالله يالله بابا سعود تعال انا في خوذ مقاس مال انتا سرعه
قال سعود :طيب ياخوي اصبر جيتك
وخلصو من التفصيل وطلعو للبنات الي كانو بالكافية

~ عند البنات ~
كانو جالسين ويشوفون وش بقى لهم
قالت نجد وهي ترجع للورا : بنات احس اني مو مرتاحة مدري ليه!
قالت انهار : بسم الله ليه منتي مرتاحه يعني عقاب؟
هزت راسها ب لا وقالت : مو قصة عقاب هاذا خليه على جنب مدري احس اسماء تبي تسوي شي قلبي مو مرتاح لها ابدا

قالت نوره وهي تغير الموضوع : نجد صح بس بقا لتس الذهب والعطور؟!
هزت راسها ب اي قالت نوره وهي تقوم : اجل خلونا نخلص لو عطرين على الاقل
وقامو متوجهين لمحل عطور

دخلو المحل راحت نجد تشم لها عطر واعجبها ريحته مره
ونادت البنات عشان يشمون ريحت العطر
قالت انهار بمزح : الله ياريحته وربي بدوخ عقاب عندتس
كشرت نجد وقالت : على زق انتي وياه يع بالله فكوني من طاريه
قالت نوره : وربي العطر ريحة تجنن ايدتس تاخذينه مرهههههههه
قالت نجد وهي تأخذ العطر : اجل ناخذ هاذا وبكره نكمل مع مشاعل والبنات
وراحو حاسبو
التقو بامكان الي اتفقو عليه عشان ما يضيعون بعض
قال عقاب بتسأول : ها خلصتو؟؟
قالت نجد بس عشان تنرفزه : مالك دخل
احتدت نظرة عقاب وقال : لا يشيخه مسويه انتس تضحكينا!
قالت انهار بس عشان تضيع الموضوع : اي بس باقي كم عطر وبكره الفستان يطلع
قال بهمس عقاب وهو يتقدم لنجد :  انا سألت انتي تجاوبين سامعه
هزت راسها ب اي وهي خايفه ولا اول مره نجد تخاف من عقاب كذا.....
نطق فارس وقال : خلاص بكره نتقابل والي بعده نجي لرياض بأذن الله لف لنجد وشاف نوره وابتسم وقال : يالله يانجد مشينا ودعت نجد البنات واتفقو بكره انهم يخلصون كل شي

ومشو راجعين لديار نجد العذِيه

وصلو نجد وفارس للبيت نزلت نجد واخذت اغراصها ..
دخلت البيت وقالت من شافت فخر واقفه عند الباب تستناها لانها زعلانه عليها عشانها تركتها : أهلاً وسهلاً بشيخه فخر
ركضت فخر من شافت نجد تجلس على ركبتها عشان تضمها.
دخلت على امها وابوها
باست راس امها وابوها وقالت بعد مافصخت عبايتها : اي اخباركم وعلومكم
قال ابو ياسر بأبتسامه : نحمد الله ونشكره اخبارتس يالنور
ابتسمت نجد وهي تدخل بحضن ابوها وقالت : على ماتحب ياحمودي
ضحكت ام ياسر وقالت : وين ياسر يشوف نجد والله يمسكها طقطقه اسبوع كامل
قالت نجد وهي تحت ذراع ابوها : لا يمه تكفين فكيني منه ياخي احترمو انه اخر ايامي عندكم صح ولا مو صح ياحمودي رافعت راسها وشافت وجه ابوها وقال بضيق : صح كيف ماهو صح ياعيون حمودي.
دخل ياسر وقال بضحك وهو ينقز : يا. ترف الحقي الورعه نجد بحضن ابوي
رما ابو ياسر قارورة الماء وقال : انت الورع ماهي بنور انقلع بس يالله
قالت نجد بأبتسامه وهي تصغر عيونها: حمودي عادي اطلبك  طلب بسيط مره
قال أبو ياسر وهو يأشر على خشمه : على خشمي وش تبين يانور البيت
ابتسمت نجد وقالت : عليه الشحم ابيك تعلمني على السلاح