ناِدرة الأوصاف وفي حلاها مُحال ومِن حُسنها يغار البدر

البارت السابع والثلاثون

البارت السابع والثلاثون

صفو كلهم نفس الشي وبدأت صفارة تعلن بداية المسابقه والحكم يقول ويصرخ بحماس؛ الله الله الله عليك الله عليك يانجم نجم نجم وانا اشهد

فز قلب نجد من اسم الخيل
كان فارس عارف هو وذياب بس مكان منتبه لوجود ذياب كان فارس يناظر بأبتسامه لانجم

صرخ الحكم معلن فوز نجم وقال؛. الله عليك يانجم الله عليك يالي راكب النجم عقاب بن حمد ال قاضي

وقفت نجد بصدمه من الاسم وقفو كلهم من الصدمه نزلت نجد من المدرجات بخوف وصدمه لكن زادت صدمتها وهي تشوف رجال يتقدمون يساعدون عقاب على النزول من نجم

كانت نجد تمشي بخطوات ثقيله جدا جدا جدا ماكانت متخيله ان عقاب راح يكون من المتسابقين او انه راح يصحى من الغيبوبه
التفت لافارس من قال؛ هاذي مفاجأة سواها عقاب لتس وهاذا هو قدامتس سوي فيه الي تبين

كانت يد نجد ترجف من الصدمه ماكانت تشوف شي ابد تقدم ابو عبدالله بضعف وهو يضم ولده ويصيح.

كان عقاب مو بصحته الكامله الي تخليه يتحرك براحته ابد باس راس ابوه ويدينه وامه تبكي من الفرحه ونوره متمسكه بفارس وتهاوشه انه ماعلمها وعبدالله

تقدمت غزلان تشد على يد نجد من شافتها متجمده ويدها ترجف بشكل قوييي
ابتعدو عن عقاب الي كان فارس يساعده على التقدم لنجد بعدت غزلان عنها وصل عقاب لها وقال؛ وانا لاجلتس فزت ولجل عيونتس ياعيوني ويا ابوي انتي
اسرعت نجد بخطواتها لعقاب وضمته وانفجرت بالبكي والصياح وشهقاتها تعتلي المكان مسك عقاب وجه نجد وحط يده على فمها وقال؛ تبين تولعين بي اشهقي مره ثانيه...
حاولت انها ماترفع شهقاتها لكن ماتقدر رجفة جسمها اقوى منها دخلت تحت ذراع عقاب وهي تسنده قالت بعد ماهدت؛ بكون لك سند مثل ماكنت تسندني يا سيد قلبي....

ابتسم عقاب وهو موقادر يتكلم من الام الي داهمه برجوله او جزأه السفلي.....

تقدمت نجد تساعده يمشي معها على المنصه لجل ياخذون الجائزة بأنهم اخذو المركز الأول مع بعض.......

قال الحكم؛ الله الله على نجد وعقاب نقدر نقول لا ابطال وطنا مبروك الفوز لكم ولنا يا ابنا الوطن الحبيب......

رفعة نجد الكاس هي وعقاب مع بعض كانت غزلان توثق كل شي وام أوس وابو أوس كانو مستمتعين جدا

بعد ما طلعو من الاسطبلات

وصل ذياب نجد وعقاب لبيتهم بطلب من عقاب ولبها له ولا رفض احد انهم يروحون
دخلو البيت وجلس عقاب على الكنبه وقالت نجد وهي جنبه؛ عقاب!
ابتسم عقاب بخفوت وقال؛ لبيه يا عيوني
ابتسمت نجد وهي تحت ذراعه وتلعب بيده وقالت؛ ما ابي انام هنا
قال عقاب بأستغراب؛ اجل وين تنامين؟! 
قالت نجد بحماس؛ خلنا ننام بسطح اليوم ليلة خمس طعش القمر مكتمل ونشوف النجوم اللهه تكفى ابي استرجع الذكريات اول مع خواتي
اشر عقاب على عيونه وقال؛ من عيني ذي قبل ذي طيب روحي افرشي بالسطح وهاتي فروتي وغترتي