البارت الثالث عشر
دورت عقاب وعرفت انه طلع.....
كانت مشغله قران بتلفزيون وجالسه تكنس الارض، خلصت من كنس البيت وجلست تمسح البيت وتتذمر من التعب
جلست على الكنبه بتعب وقالت وهي تشوف البيت نظيف : اف والله تعبت بس والله اني كفو كل هاذا انا رتبته
سوت لها قهوه وجلست تطقطق على جوالها
قالت وهي طفشانه : والله ودي ادق على نوره وانهار والبنات نفلها
دقت على نوره ردت نوره وقالت : نعم يالنشبه وش بغيتي
قالت نجد : على زق هاذي جزاتي داقه عليتس ابيتس تجين تسهرين عندي انتي والبنات
قالت نوره بأستغراب : ليه عقاب وينه؟!
قالت نجد بتكشير من طاريه : بقلعته وش يدريني عنه والله ياخي طفش عندي لكم سوالف اف وش ذا الوحده
ضحكت نوره وقالت :طيب طيب بقول لعبدالله ونمر انهار ونجي
قالت نجد : يالله بس لا تطولون ولاتتكشخون
قالت نوره : انتي اكثر وحده كذابه تقولين لاتكشخون وبعدين تجحدين اعرفتس
قالت نجد : اقول سدي حلقتس وجيبي معتس ترف وديان
جت نوره بتكلم وقفلت نجد بوجهها
قالت نوره : كش عليها المخيسه
نزلت نوره تحت ولقت بالصالة امها وابوها وعبدالله
قالت نوره بتدلع :عبودي عبود تكفى
مثل عبدالله انه يستفرغ وقال : يع يع يع لاعاد اشوفتس تناديني كذا وبعدين وش تبين من الحين اقول لتس نوووو
ضربت نوره رجلها بالارض وقالت : يبه شف ولدك يردني؟؟!
قال ابو عبدالله : عبدالله ياولد شف اختك وش تبي هاذي اختك الصغيره لا تقول لها لاا سامع يالله شف وش تبي ودها
قالت نوره : ابي اروح عند نجد لبيتها
قالت ام عبدالله : وخزيها عيب توهم عرسان وش يوديتس لهم خليهم في حالهم
صفق عبدالله وقال : كفو عليتس يايمه عيب يعني عيب سامعه وبعدين وين السواق ها؟!
قالت نوره : بالله يمه شايفه وجه عقاب وجه زوج تراك البنت بالبيت لحالها والبنت طفشانها نزلها البيت وطلع تركها هذا الرومنسيه بوادي وهو بوادي فا نجد قالت لنا نجيها نفلها عندها تقول ضايقه لحالي
قال ابو عبدالله : مدري متى يتعدل هالولد فشلني مع بنت اخوي، قم ياعبدالله ود اختك
قالت نوره عشان تقهر عبدالله : والبنات
قال عبدالله بقهر : طيب أمري لله، بس فكينا من الكلب حقتس
قالت نوره : وجع هاذي بسه وش الي كلب متخلف الحمدلله والشكر
قال عبدالله : والله دقايق ان طولتي لا اسحب عليتس سامعه؟ قالت نوره : لا مارح أطول بس راح البس عباتي واجي
عند نجد
كانت جالسه تسوي قهوه حطت القهوه على النار وراحت تبدل لبسها
دخلت غرفتها كانت غرفتها الوحيده الي مرتبه لان نوره اصرت على عقاب ترتب غرفتهم او الي على بالها انها غرفتهم
طلّعت لها جنز ازرق وتوب بلون الابيض دخلت اخذت لها شور
طلعت من الحمام الله يكرمكم وحطت على شعرها كريم الكيرلي وحطت مرطب وتعطرت وطلعت من الغرفه
دخلت المطبخ وصبت القهوه وحطت معها شوكلت
حست انها داخت وطلّعت الجهاز من جيبها وحطته على السنسر (الي يركبونه باليد)
كان سكرها ٦٤ راحت اكلت عشان ما ينزل أكثر او تدوخ وهو أصلاً نزل من التعب التنظيف
جلست بتعب....
أنت تقرأ
ناِدرة الأوصاف وفي حلاها مُحال ومِن حُسنها يغار البدر
Poesíaتخوض بطلاتنا نجد حرب الكراهية لولد عمها عقاب الي اشد مايقال عنه شديد الياس ويكره العناد وبطلتنا عنيده....
