ناِدرة الأوصاف وفي حلاها مُحال ومِن حُسنها يغار البدر

البارت الخامس

البارت الخامس
ضحكت من وقف الادهم على خلفيته وصهل قالت :ماش ماحبكم الادهم
كان فارس راكب على خيله واسمها الخواصه..
ضحك فارس وقال :ماودتس نتسابق ونشوف مين أسرع الادهم والا الخواصه ضحكت نجد وقالت :تتحداني!!
ضحك عبدالله وقال :اي يتحداتس يبنت محمد لفت له وقالت :اجل بسم الله يالله يالفارس
تقدم فارس وقال: بسم الله وتسابقو وسبقت نجد فارس
ضحك ابو ياسر وقال :بس انتي وياه تعبتو الخيل
انزلت نجد من الادهم وباسته قالت :والله وش اسوي ولدك يبه يتحداني انا والادهم المهم بروح ادخل الادهم وروح لنوير يحرام سحبت عليها
ضحك ياسر وقال : والله نوير تورطت بتس اقول روحي لها التفت ابو ياسر وقال :ياياسر قم ودني للقعود بسرعه
تورط ياسر وقال :هاا اايبه والله ماله داعي تروح له الحين خله بعدين ضحك عقاب وهمس لفارس : شكله مسوي مصيبه
ضحك فارس وقال :والله شكله
عصب أبو ياسر وقال :انت علامك كل ماقلت لك ودني تقول ماله داعي وش عندك هاا
تنهد ياسر وقال :بس يبه لاتزعلني اذا اعترفت طيب؟
ابو ياسر :والله اني ادري انك مسوي شي بس اخلص وشهو
قال ياسر: ااا قبل يومين ماات القعود وماحبيت افجعك يعني يعني ادري انه غ.... قاطع كلامه النعال ابوه وفز اندس ورا عمه وقال وهو كاتم ضحكته :تكفى يعم انا في وجهك ضحك عقاب وقال :والله اني داري انك مسوي بلا
قال أبو ياسر وهو معصب : انت متى بتعقل يسوسه ها عجزت عنك وهوا يولد الفلس فز ياسر وحب راس ابوه وقال :خلاص انا بعقل آمر بعد وش تبي
عند الحريم
ضحكت نجد وهي تشوف نوره زعلانه تقدمت وقالت : افا مين مزعل الحلوه لفت نوره وهي تقول :والله ياخي وش ذا الطفش؟
قالت ترف : صدق والله طفش
قالت نجد :والله وجيهكم تجيب الطفش قوموم نطلع برا وبطربكم يعني كرامً مني يالله طلعو واخذو لهم كبتشينو واخذت نجد فخر وقعدو بمكان بعيد عن الناس وسولف وقعدت نجد تغني وارتفع صوتها عند هالبارت:
(فرقى الوليف الي تحبه
لافارقك من دون سبه
ماخاف فيك الله ربه
ولاتهيأ لك وصاله) ضحكو البنات وضحكت معهم فخر وهي ماتدري ليه هم يضحكون قالت نوره :يالله وحده ثانيه بس غير الحزن نبي عن الحب ضحكت نجد وقالت :عن الحب عن الحب
وبدات وقالت
(يزيد الشوق بي ويكثر
واحبك أكثر وأكثر
واذا انت اشتق لعيوني
انا مشتاقه لك اكثر) وقفت وصفقو ترف ونوره
وقالت :اخس والله طلعا صوت اختي حلو وانا مدري ضحكو وفجأه اصرخت نجد من شافت ظل ورا نوره وترف :يمه يمه بسم الله الرحمن الرحيم لاتوذوني ولا اوذيكم فزو البنات ركض وتركو نجد لحالها وهي تصيح وقالت بصراخ :خوذو فخر سرعههه
ضحك عقاب وقال :علامتس خفتي ماعرفتيني؟
صرخت بوجه وضربت صدره وقالت :انت متخلف احد يخرع كذا؟!
لفت لنوره الي رجعت وهي تضحك:صح ماتذكرت انها دخلت عقاب كملت نوره وهي تضحك لاتؤذوني ولا اوذيكم ياربيي رحمتك.
قالت نجد بعصبيه :قم تقلع عني لا العن خيرك
طالع فيها وقال برود :اثقه هاذي مع طولتس ماتنفع ابد، وبعدين انتي عارفه قاعده تكلمين مين؟!
قالت نجد :يليل انت الحين وش دخلك بطولي ها وايه انا عارفه مع مين اتكلم قاعده اتكلم مع عَقاب ابن حَمد آل قاضي ها عندك شي اذا انت عقاب فا انا نَجد سامع.
ومشت وتركت عقاب وراها
ضحكت نوره وقالت :القم اجل بنت تسكت ها اخفس ياعقاب
قال عقاب بعصبيه :اقول عاد وربييي ان جيتتس لا العن خيرتس ساا... ماكمل كلامه الا وشاف غبرت نوره وراها
ضحك وراح لرجال