ناِدرة الأوصاف وفي حلاها مُحال ومِن حُسنها يغار البدر

البارت الثالث والثلاثون

البارت الثالث والثلاثون

من طول الغيبات جاب الغنايم 💜

كان عقاب مبتسم على هبالهم وعلى الاغاني الي مشغلينها مر من جنب سيارة فارس وشافهم كيف يرقصون

دق بوري لهم ولا فكرو يلفون واسرع سرعه جنونيه لا رجة نجد صرخت وقالت؛. هيه انت ما ابي اموت هدد

ضحك عقاب وهو يشوف ابوه يدق له بوري بمعنا هد
التفت لوجيه البنات وشافهم كيف منخرشين ضحك بقوه ورفع السماعه على اذنه من شاف جواله ان ابوه يتصل عليه
ورد وهو يتنحنح وقال؛ سم؟

قال أبو عبدالله؛ خبل انت خبل
ابتسم عقاب وقال؛ تمون يالغالي
قال أبو عبدالله؛ بنوقف بالمحطه الجايه اذا في احد يبي الحمام والا شي
قال عقاب؛ ابشر

وقفل عقاب التفت للبنات شافهم نايمين ونجد كانت ضامه نفسها كان بطنها يعورها عليها الدوره والأخلاق زفت
تنهد عقاب وقال؛ مسرع ماشاءالله على طول انخمدن

وبعد مده وقفو بمحطه ونزلو والي راحت تقضي حاجتها والي راحو يشترون والي يعبي بنزين والي كان واقف عند باب سيارته يدخن

طلعت نجد من المسجد وبطنها يوجعها تبي تبكي من الالم بس ساكته طبعها كتومه ماتحد تقول لاي احد مهما كان .....

هجو نوره وانهار عن سواقة عقاب خافو على اعمارهم وعلى نفسهم......

ركبت نجد السياره واخذت لها فروة عقاب وتغطت بها وركب عقاب ومعاه كوب شاهي جايبه لانجد عشان تدفى
اخذت نجد الكوب وقالت؛ مرهه شكراً
شغل عقاب السياره وقال؛ مابيننا يابنتي
مسك يد نجد وحطها على صدره تارك يدها الثانيه ماسكه كوبها ويده الثانيه تسوق

قال عقاب بتنهيده؛ يارب عجل باليالي
ابتسمت نجد بأحراج وهي مو قادره تتكلم

شربت الشاهي ولما خلصت منه رمته بزباله وبدون لا تحس نامت وهي مو معدله راسها زين

التفت عقاب لها وعدل راسها وضبط الفروه عليها تاركها نايمه وهو يكلم ذياب يشوف وش صار على شغله....

بعد مده طويله
قريب من ابها تعدلت نجد بتعب من الخط والارتفاعات الي من خطوط الجنوب

انتبه عقاب لها وقال واصابعه تلعب على الدركسون ؛ خلاص مابقى شي
مدت يدينها بتعب وقالت؛ يالله ظهري انكسر تكسير مو طبيعي ابتسم عقاب وقال؛ سحبتي علي وش هاذا النوم

قالت نجد بأبتسامه؛ وش اسوي بطني يعورني وماعندي الا النوم
قال عقاب؛ احتسبيها اجر عند ربي المهم عندي لتس سؤال!
قالت نجد؛ وش سؤالك ؟!
قال عقاب؛ دوله ودتس تسافرين لها ذي الايام؟
قالت نجد بتفكير؛ امم اي ودي زيلامسي افف تجننن مرهه
ابتسم عقاب وهو قد وصل لاتفكيره وصل لامراده
قالت نجد؛ ليش طيب؟!
قال عقاب؛ بس سؤال!