ناِدرة الأوصاف وفي حلاها مُحال ومِن حُسنها يغار البدر

البارت السادس

البارت السادس
ضحكت نوره بضيق وقالت :طيب بتوافقين
هزن راسها ب لا وقالت :شايفه كم عمري وكم عمره؟ وبعدين انا بكمل دراسه
قالت نوره :بكيفتس بس عقاب لبغا الحاجه يجيبها يعني يجيبها
قالت نجد :خليه يدز وبس هذا اللي مضيق صدرتس

وانتهت ليلتهم جميله للكل ماعاد نجد الي بدا التوتر عندها يزيد من قال لها ابوها : اذا رجعنا ابي اكلمتس بموضوع
ووصلو البيت
نادا ابو ياسر نجد قال :اسمعني زين يا نجد جاني عمتس وخطبتس لا عقاب و ماكمل كلامه الاونجد تكلمت وقالت :ماابغا اتزوج ناظر ابوها بأستغراب بس قال بحده من تذكر كلام ابوعبدالله : مو على كيفتس والملكه والزواج الاسبوع الجاي
انصدمت نجد من كلام ابوها : يايبه تكفى ماابي اتزوج والله انا صغيره...... وبعدين كيف الملكه والزواج الاسبوع الجاي؟
قام ابو ياسر وقال :الي عندي قلته وجهزي نفستس وطلع ابو ياسر وخلى نجد حايره ماكان عند نجد  حل غير البكي
لفت لا امها وقالت :يمه تكلمي قولي شي تكفينن
قالت ام ياسر :والله يا امي مااقدر اسوي شي هاذا راي ابوتس
.
واليوم الثاني كان في عرس لبنت جارهم وهو عزيز عليهم قال ابو ياسر لهم الكل راح يروح ولانفر يقعد
نبذه عن كشخة البنات مع ان مااحد له خلق يروح
نجد ، زينت بفستان بلون اسود ماسك على جسمها بدون اكمام وفوقه فرو ابيض وحطت ميكب مره مره مره خفيف لدرجة ان محد راح يحس على الميكب حقها وفتحت شعرها  المدرج تحت كتفها بكثير

نوره، تزينت بفستان بلون الازرق الهادي وحطت ميكب خفيف وفتحت شعرها
ترف، تزينت بفستان بلون الوردي الفاتح الهادي وكذلك طلعت حلوه
عند نوره قامت تعد عشان يشوفون كشخت بعض :واحد اثنين ثلاثه يالله وطلعو البنات لبعض وصرخو نوره وترف وقالت : ماشاء الله يا نجد قمر ياخي والله لو مدري وش البس ما اطلع مثلتس
استحت نجد وطلعو لمهاتهم
فزت ام ياسر تحصن بناتها ونوره معهم وقالت ام عبدالله :اسمعو فكونا لا ترقصون عندهم طيب هزو راسهم ب اي
وركبو السياره وقبل لاتركب نجد السياره تذكرت جوالها وراحت تركض يوم ادخلت البيت وفي عتبه عند الباب حق الصاله جت نجد  بعد ما اخذت جوالها رجعت ركض لانها تأخرت عليها
وفجأة بدون سابق إنذار اعكشتها العتبه كان على بالها انها طاحت ولاكنها طاحت بدينه تحركت بسرعه من حست يدينه تحاوط خصرها
*ملاحظه *
ترا بعض القصايد مو لي يعني بعضها انا اكتبها وبعضها لاوالله مو لي 🔴
مال وجها لحمرار لانه كان عقاب ثبت يدينه على خصرها وقال:

(والله لولا الحيا والخوف من ربي
لاقبل على خصرك المضموم واضفه
لاكني احرمت من الميقات وملبي
لاتعترض لي ترا قبلي  على حفه)

فزت برعب وقالت وهي تركض للبرا : صح  لسانك
حس ان روحه بتروح وحلف ان الملكه بكره قبل يروحون

ووصلو العرس
كان المكان يعج بريحت البخور وزغاريط جت عجوز لنجد  ونوره وقالت : يابنيتي وين امتس.
لفت لها نجد وقالت بأستغراب : وش بغيتي بامي.
قالت العجوز بابتسامة :والله اني ودي بقربك
نطت نوره وقالت :لا يعمه البنت متزوجه
ناظرت فيها بأستغراب وقالت : ماشاء الله مين هو
تورطت نوره وقالت : ااا عقاب ولد عمها فزت بألم من حست بقرصه من نجد ولفت لها وقالت :وجع علامتس وانا صادق عند ربي اقول بس امشي عند امي وراحو وقعدو
انخرشت نجد من سمعت وحده من الحضور تأشر عليهاوهي تقول (انت ياها الموت الاحمر ليه عن الناس لاهي قم مدام الله عطاك الي عطاك وقم به تبخر ) قامت نجد تتمايل وترقص كانت ام ياسر تناظر بنتها برض تام كانو الناس منبهرين من جمال نجد كان طاغي بعضهم يناظرون بحسد
وجلس نجد كانت قاعده تشرب الماء وجت بنت جارهم اسمها شروق وقالت :جوجو ياوليك ترديني لفت لها نجد وقالت :لبيه وش بغيتي
قالت شروق :تكفين لا تردين انتي ونوير ابيكم تدبكون لنا تكفين يخت ياسر
ضحكت وقالت نجد :ابشري يالله يانوير قومي قامت معها نوره
ناظرت بشروق بأستغراب وقالت :يالله تعالي معنا
هزت شوق راسها ب لا وقالت :خليت لتس الملعب
ضحكت نجد ودبكت مع نوره
كانو جدا متناسقين
كان الكل منبهر من دبك نجد ونوره وكم بنت من القبيله كانو جدا متناسقين...