ناِدرة الأوصاف وفي حلاها مُحال ومِن حُسنها يغار البدر

البارت السابع عشر

البارت السابع عشر

قالت رولا : اخباركم وعلومكم
قالت نجد بحزن : علومي واضحه وضوح البدر بالسماء الصافيه بلا غيوم
قالت اريام وهي تحاول تغير جو نجد : افا اش هذا الكلام البايخ الي قاعده اسمعو؟!
قالت هاجر بأبتسامه : الهجه يلعن الشيطان يابنات
ضحكة البندري وقالت : بنت الحجاز وش تبغين منها؟
قالت اريام بغرور وهي تلعب بشعرها : طبعاً مافي احد مثلي في هالدنيا
ضربتها رولا بخفه وقالت : تقهر حركاتها تقهر
قالت لُجين : فعلاً
قامت نجد وقالت : يالله خلونا ننزل تأخرنا على الناس
لفت من فتحت نوره الباب وقالت نوره : نجد انزلي تحت في حرمه غريبه تحت تبيتس
قالت نجد بأستغراب : مين هي يعني ماعرفتي من هي؟!
هزت راسها ب لا وقالت : قالت انها تعرفتس بس انتي ماتعرفينها وصح معاها بنت وحده اظن المهم والله انا ما اعرف شي عنها بس امي قالت لي اناديتس
نزلت نجد تحت
شافت الحرمه الغريبه بالنسبه لهم كلهم ماكانت تعرف عنها شي ابدا
تقدمت لها ~ام أوس ~ وضمت نجد

ماكانت نجد تدري ليه ارتاحت بحضنها حست براحه الي ماحستها مع احد غير امها !!
قالت ام أوس بحنيه : اخبارك يانجد
قالت نجد بهدو : الحمدالله بخير
بعدت ام أوس وجت بنتها غزلان سلمت عليها وقالت : كيفك نجد
قالت نجد : نحمد الله.
جلسو الناس وشوي وراحو كل الناس وروحو صديقات نجد مابقى بالبيت الا ام أوس وغزلان وام عبدالله
قامت ام أوس وغزلان  وقالت : نجي بوقت ثاني ان شاءالله نشوفكم على خير
قامت معها ام عبدالله وقالت : ان شاءالله
وصلتهم للباب وقفلت الباب وراهم..

ركبو السياره

قالت غزلان بسرعه : خير وش ذا عندي اخت تجنن اسم الله عليها ولاعمري شفتها
ضحك أوس وقال : خوذي نفس يابنت الناس
قالت غزلان وهي تضرب كتفه بشويش : وجع تدري اني اشتقت لك من يوم مارحت لشرقيه وانت ساحب علي!!
قال أوس : وحتى انا اشتقت لك والله لكن الشغل كله علي عاد انا اخذت لي اجازه وبقعد عندكم

لف أوس وشاف امه سرحانه وقال : يمه وش فيك؟!
قالت ام أوس بأنتباه :ياعيون امك وش تبي
ابتسم أوس وقال : كيف نجد؟
قالت ام أوس بحزن : والله ان حالها يقطع القلب مابقى غير اخوانها وانتم بس واحد من اخوانها دخل غيبوبه ما اقول غير الله يلطف بحالها
قالت غزلان بتساؤل : الحين مين الي توفو من اهلها؟
قال لها أوس : ابوها وامها وخواتها كلهم ثنتين مابقى غير اخوانها وحنا وبس
حزنت غزلان عليها لأنها ماتتخيل يوم من الايام انها راح تفقد اهلها
ضلو بسكوت الا ماوصلو البيت
استقبلهم ناصر اخوهم الصغير يبلغ من العمر ١٢ سنه
قال ابو أوس  بعد ماجلسو : اخباركم كلكم.
قالت غزلان : على ماتحب
قال ابو أوس : اخبارك يا الاستخباري  أوس
قال أوس : نحمد الله ونشكره انت اخبارك يابوي
قال ابو أوس : الحمدالله بخير، الا ياسُعاد اخبار نجد واليوم ماقدرت اروح بدون أوس قلت بكره نروح لها