ناِدرة الأوصاف وفي حلاها مُحال ومِن حُسنها يغار البدر

البارت الثامن

البارت الثامن
اليوم الي بعده كان هاذا آخر يوم للضيوفهم وبكره يمشون
كان ابو عبدالله يقنع ابو ياسر انه يجي يسكن الفلّه حقت ابوهم وكان ابو ياسر يعني كأنه تقبل الفكره وقال :طيب وحلالي وخيول عيالي وين اوديهم؟
قال أبو عبدالله :اسمع ياخوي الحلال نقدر ناخذه معنا ونحطه عند مخيماتنا انت وش تبي بها الديره تعال معنا وشف التطور هناك

قال ابو ياسر بتفكير :طيب وبيتي هاذا وش اسوي به
قال ابو سعود :اسمعني وانا اخوك بيتك هاذا خله هنا وتجيه صيفيات انت وعايلتك صح والا مو صح
قال ابو ياسر وهو مقتنع :ان شاءالله اشوف العايله واشاورها

قال ابو سعود :عين العقل وانا اخوك
تكلم قاسم وقال :يالله عاد انا استأذن انا واهلي والله يوفقك ياعقاب
قال فارس بأستغراب :مسرع توكم جيتو ليه بتمشون؟
قال قاسم :والله الود ودي اطول لكن انت عارف امور الشركه اجازتهم ماتطول، كثر الله خيركم وجاد الله عليكم

قال فارس بتفهم :الله يستر عليكم ويوصلكم بالسلامة يا ابو نادر
ابتسم له وسلمو عليه وبلغ مشاعل وامه واخته اسماء  انهم يطلعون وبالفعل ماطولو وركبو السياره واتجهو الى الرياض

عند البنات داخل
كانت ام سعود تحاول تصحي البنات عشان يسون الفطور وقالت وهي تصحيهم :والله ان ماقمتن لا انادي لطيفه سامعات يالله قومو اطبخو الفطور يالله
قالت نجد وهي تتثاوب :طيب طيب والله خلاص بنقوم
طلعت ام سعود
قالت نوره وهي مفتح عين ومقفله عين:الحين ليه بس حنا نسوي الفطور تكفون ابي ارجع الرياض ابي ارجع للعز ودلال هنا وربي كننا خدم
ضحكت نجد وقالت :قومي قبل تقوم القيامه
وقفت انهار وقالت :انا بروح للحمام وانتم تحلطمو
وقالت نجد وهي تلحقها :معصي والله انا ادخل قبلتس انتظريني
قالت ترف بضحك على خبالهم :لااله الا الله يامثبت العقل والدين ثبت عقل البزارين
جت ام ياسر وضرت ترف من ورا وقالت :لا يشيخه يعني انتي الكبيره، اقول قدامي على المطبخ لفت لنوره وانهار وانتم ياثنتين بسرعه ادخلو الحمام وضوء وصلو وقدامي على المطبخ

قالت نوره :ابشري ياعمه
لفت نوره لاانهار :والله انّا اكلانها الحين المبليه نجد تلبث بالحمام
قالت نجد وهي بالحمام :دقه يانوره تحشين بي وانا بالحمام هين
قالت نوره :يهبي ياوجهها تسمع كل شي
طلعت نجد وضربت نوره بخفه :يالله اقعدي لحالتس
زفرت نوره بغضب وقالت :الله يسلط على العدو اف انهار تكفين لاتطولين
قالت انهار وهي تضحك :قولي لي عمتي انهار تكفين اطلعي واطلع
قالت نوره بغضب : على زق بس سري امها يالمبليه بروح حمام العيال ويارب عقاب مايشوفني
راح نوره ونادت نجد وقالت :نجد تكفين اسمعي ابيتس تروحين معي لحمام اخوانتس الزقه انهار بتلبث بالحمام وانا الحين بنفجر
ضحكت نجد وقالت :قدام خن نسوي اكشن ومغامرات
.
قالت نوره وهي شوي تبكي من كثر ماهي منغثه :الله ياخذ ذا الوجه وانا استغفرالله بسرعه لاتذبحيني برودتس
قالت نجد: امشي الله يبلش العدو
وراحو حمام العيال كانت نجد واقفه برا عشان تراقب ونوره بالحمام
قالت نجد بهمس :يازقه اخلصي الشمس شوتني، بسرعه قبل احد يجي ونبتلش
حست نجد باحد يسحبها جت بتصرخ وحط يده على فمها وقال بحده :خير وش جابتس لاقسم العيال
قالت نجد وهي تتنفس بسرعه :نعم وش تبي يالنشبه يالجملود ها مسوي فيها تغار يعني اقول بس سر امها عشان ما اصرخ