ناِدرة الأوصاف وفي حلاها مُحال ومِن حُسنها يغار البدر

البارت الرابع والعشرون

البارت الرابع والعشرون

شهقت نجد وهي تشوف يضربها مع بطنها نزلت بسرعه وهي تبعد عقاب عن أسماء قالت وهي تحاول تسحبه عن أسماء؛ بعد ياعقاب عنها مايصير تضربها كذا مايصير والله حرام عليك

اذتها وجابت لها الشتيمه وفوق ذا كله الا انها عطفت عليها وماقدرت تشوف عقاب يضربها لانها بطبيعتها كا انثىى اكيد راح تكون بها الرحمه...
بعد عقاب وقال وهو يرفع يده بوجه اسماء؛. انتي طالق طالق طالق بالثلاث وتحرمين علي لايوم الدين ولاعاد اشوف وجهتس اذلفي بيت اهلتس واذا اسألوني وقالو لي ليش طلقتها بقول لهم عاهره
مو طاهر مو شريفه خوانه
انا تخونيني!؟ والله ما اقبل بها وانا ولد حمد اطلعيي براا بيتي قبل لا اثور فيتس.
شهقت نجد وحطت يدها على فمها ماتوقعت ان عقاب راح يطلق اسماء بأبشع مانطق....
دخل عقاب داخل البيت وترك نجد وأسماء برا

دخل عقاب لمكتبه وهو يضرب الكرسي الي قدامه بغضب وصرخ بقهره انه انخدع من الناس الي كان يثق فيه هو ما اعطاها الثقه الكامله لكن ماتوقع منها كذا
.
.
قامت اسماء متوجهه للباب بصمت طلعت وطلبت لها اوبر هي بكت لكان دموع التماسيح والاهي فرحانه انه طلقها عشان تتزوج ثامر.......
دخلت نجد البيت ودخلت غرفتها تمسكت بيدة الباب من حست بدوخه عرفت ان سكرها نازل وانها دخات بسبب نزوله

نزلت للمطبخ وسوت لها ساندويتش وافطرت طلعت جوالها وقامت ترد على الرسايل و تكلمت مع ياسر وطمنته انها بخير وانها ماصابها شي.....

أراضي الجنوب تحديدا نجران

عند هيفاء كانت تكلم السيف وتسمعه وش يقول لها عن نجد وانها فشلت خطتها لاتخلص من بنتها!
قال السيف؛ اسمعيني زين ابيك تخطفين نجد بعد ثلاث اسابيع تقريبا عشان نخلي عقاب يتشتت
كشرت وقالت؛ يع ما بغيتها وش ابي بوجهها المخيس دقاقن يدق نحرها ان شاءالله
ابتسم السيف وقال؛ معليك كلها ايام معدوده ونقضي نسل آل قاضي كلهم
ضحكت هيفاء وقالت؛ طيب بس ابي اجيبها خدامه جاهزه مجهزه....
قفل السيف وراحت هيفاء عشان تتجهز لان عندها سفره للرياض بعد كم يوم

عند عقاب
كانت شياطين الارض كلها مجتمعه فوق راسه كيف ينخدع بأسوأ الناس كيف كذب ناس عشانها وصدقها وهاذي اخرتها كان يبي يطلع من البيت لانه عند شغل بالمركز
نزل مع الدرج وهو يشوف نجد حاطه راسها على الكنبه ولامه رجولها لصدرها وحاطه لحاف على رجولهاو
ماكانت نجد منتبه لعقاب لانها كانت تفكر وتهوجس وهي كذا والاكذا سكرها نازل وقاعد يرتفع فهي دايخه ولا يم العالم كله

قرب عقاب بخفوت من راس نجد والا وانه شات القاروره بالغلط عض شفايفه بقهر من شافها فزت بخوف وقفت على رجوالها وهي يالله وقفت لانها دايخه
كان عقاب ملاحظ لون عيونها الاحمر من شدت البكي وعيونها كانت تناظر عقاب بذبول وخوف وترجي كان عقاب منظر عيون نجد ياسره ولاكنه يكابرر!؟
قالت نجد وهي تتنفس بسرعه؛ الله يسامحك خوفتني يمه قلبي بيوقف من الخوف.... سكتت من داهمتها دوخه قويه
جلست بسرعه على الكنبه بقوه وهي ترجع راسها لورا وتغمض عيونها بقوه ماتحب يصير لها شي او اي مضاعفات عن مرضها قدام اي احد صح انها ماعندها مشكله انه عندها مرض ومتعاشيه معاه لكن تكره لما ينزل معها لانه يسبب لها دوخه احينن قد يصل النزول الى غيبوبه.......