ناِدرة الأوصاف وفي حلاها مُحال ومِن حُسنها يغار البدر

البارت التاسع عشر

البارت التاسع عشر

فك عقاب باب الراكب وطلع من الدرج الي قدامه سلاح
شهقت نجد على بالها انها بيذبحها قالت نجد بدموع : لا لا تكفى لاتذبحني
لف عقاب لنجد بذهول وقال : وش الي لا وش قلت انا الحين بسم الله
قالت نجد بخوف : الحين انت تذبحني صح؟!
ضحك عقاب ضحكه رنانه عرف ان نجد خافت من السلاح الي بيده
قالت نجد بأستغراب : الحين وش الي يضحك؟!
قال عقاب بضحك : الحين انا ابي اعلمتس على الرمايه وتقولين بذبحتس والله لو انا مدري وش
ابتسمت نجد : وش يدريني عنك
قال عقاب : تعالي معي سريع

قالت نجد بخوف : تكفى والله اني خايفه بس فكني من السلاح صح ان نفسي اتعلم عليه بس والله اني خوافه

قال عقاب بهدو وهو قاعد يركب الرصاص : تعالي قدامي يالله بسرعه
تقدمت نجد بخوف مسك عقاب ذراعها وحطها قدامه حط ذراعه على كتفها وبيده السلاح

قال عقاب بهدو : حطي خدتس على ذراعي يعني ارخي نفستس  تمام ومدي يدتس عشان اعطيتس السلاح
هزت راسها بخوف وقالت :مابي والله اخاف
قال عقاب : وانا معتس؟!

زفرت بهدو وقالت : طيب مد ذراعك زين
مد ذراعيه بهدو وبيده السلاح قال عقاب : امسكي السلاح معي وحددي هدفك وتخليه انه عدو لتس او شخص تكرهينه

تحمست نجد ومسكت السلاح مع عقاب قال عقاب قبل لاترمي : اول شي خلي عين مفتوحه وعين مقفله عشان تعرفين تصوبين هدفتس...
سوت نجد زي ماقال عقاب، رمت نجد برصاص ولي اول مره تجرب ترمي برصاص كان ودها انها تتعلمه مع ابوها ويعلمها عشان تحمي نفسها بس الموت اخذه من بين يدين بنته...

لفت نجد لعقاب وقالت وهي تنقز من الفرح : رميت والله رميت صرت قويه عرفت كيف اصوب والله
ابتسم عقاب على حماسها وفرحتها قال : يالله عاد انتي الحين تشيلين السلاح لحالتس وتصوبين

. قالت نجد : لا تكفى فكني مارح ارمي لحالي لو ايش ما كان

قال عقاب بتفهم عشانها تخاف : طيب بس ترا مارح اخليتس الا ماتتعلمين الرمايه
جلست نجد على طرف حوض الونيت : خلاص تمام بس مو الحين والله مافيني حيل
دخّل عقاب السلاح بجيبه وجلس جنبها اشر لها على حوض الونيت وقال : اليوم ننام هنا والصباح الفجر نمشي
قالت نجد : يمه ياويل حالي والله ما انام هنا لو تذبحيني مجنون انت بعدين تجينا الحشرات يعع
ابتسم عقاب بخفه وهو قام يفرش بالحوض : اختاري الارض والا الحوض؟!
زفرت نجد وقالت : ابلش ياخي خلنا نروح للبيت
تلطم عقاب وانسدح وقال : باكر الصباح نمشي يعني الصباح يالله انخمدي نامي.
قالت نجد : طيب انا مافيني نوم قم سولف معي
عقاب سوا نفسه نام ومارد عليها
قالت نجد بهمس وهي تنسدح : ياهب ياوجهه على طول انخمد ونام وارتاح وانا الحين باكلها من الخوف
ابتسم عقاب بخفه من سمع همسها قال بخوفت : نامي ترا الجن والعفاريت واجد هنا
فزت نجد وقالت : ماودك تسد حلقك الحين انا كيف انام ها؟!