ناِدرة الأوصاف وفي حلاها مُحال ومِن حُسنها يغار البدر

البارت الرابع والثلاثون

البارت الرابع والثلاثون

بالمطار
كانو جالسين وماعلمو احد انهم مسافرين غير يوم ركبو الطياره
قالت نجد دعاء السفر وقلبها يرجف من الخوف
كانت تسمع الكبتن يقول انهم متوجهين لا زيلامسي

لفت لعقاب وقالت؛ كذاببب!
ضحك عقاب وقال؛ تعقبين انا اكذب!
ضمته نجد وقالت بحماس؛ وربيي اني احبك ماتعرف كيفف كنت ابي اروح زيلامسي
قال عقاب؛ فدا عيونتس الحلوين بس يالله اربطي الحزام ونبي نقلع
رجعت مكانها وربطت الحزام وتمسكت بذراع عقاب بقوه من كانت الطياره تقلع.
رفعت راسها بعد مااستقرو بسما قال عقاب وهو ينسدح على فخذ نجد؛ والله انا ابي انام الرحله دايركت على زلمسي مدري زيلامسي يعني ستطعشر ساعه

قالت نجد وهي تقفل الشباك؛ نام نوم العوافي وانا ابي الحقك بنوم
نامو كلهم ودخلو في سباتهم

عند اهل الطايف

قالت نوره بقهر؛ امم النذله سحبت علينا من اول يوم وش ذا ياخي اففف

قالت وديان وهي تبرد اظافرها؛ والله خليها تروح نستانس وتفلها بالخارج وش تبي عندتس
قالت انهار؛ اقول سدي حلقتس انتي...
قالت نوره؛ اقول انتي يالدوده اذلفي عن وجهي

قامت وديان وقالت؛ والله الشرهه مو عليكم الشرهه علي انا الي مقابله وجيههكم

كشت عليها انهار وطاعت وديان راحت لغرفتها الي قدام جناح عمها

بالطيارة
تعدلت نجد بتعب وقالت؛ اف يالله ياظهري
نزلت نظرها لعقاب لقته نايم ولا حس بشي ابد
مددت يدينها تتمغط وجلست زين وعدلت راس عقاب الي كان على فخذها نايم

رجعت راسها على ورا وكانت تطالع الشباك الي كانت تشوف منظر آسرها جداًاا

كان المنظر الي قدامها تشوف الغيوم من تحت الطياره والقمر معتلي السماء

كانت غرقانه في هواجيسها
صحت على نفسها نزلت راسها بصدمه من سمعت عقاب يقول :
احَبتس كثَر عَدَد النّجوُم وكَواكبْها
واحَبتس كَثَر مَاغرَق الغرِيق بالبّحَرَ

انصدمت نجد من كلام عقاب الصريح والي حست انها ودها الطياره طيح فيها من كثر ماهي منحرجه من كلامه ومن جرائة الكلام
قام عقاب وتعدل والتفت على نجد وقال؛ قلت شي غلط!
كانت نجد جالسه تستوعب الكلام هي تحبه محبة البنت لا ابوها

ابتسمت نجد بأبتسامتها العذبه وقالت؛
واحبك واعشقك يا سيد قلبي
ابتسم عقاب ومسك كفها وقال؛
وانا احبتس يا سيدة قلبي وعمري وعقلي

على مدار السطعشر ساعه

وصلو لا أراضي النمسا تحديدا زيلامسي
نزل من الطياره واخذو شناطهم وراخو للكوخ الي استأجره عقاب كان من افخم الاكواخ الموجوده