ناِدرة الأوصاف وفي حلاها مُحال ومِن حُسنها يغار البدر

البارت الخامس والعشرون

البارت الخامس والعشرون

تقدمت نجد وحطت رقم عقاب ونوره حطت رقم عامل البقاله الباكستاني
اما انهار حطت رقم سعود وهاجر حطت رقم اخوها
كلهم حطو رقم اخوانهم
دقو على عقاب
لف عقاب لجواله من شاف رقم غريب يتصل رد وقال؛ الو من معي؟
قالت المديره؛ معك مديرة مدرسة نجد حابه انك تتفضل عندنا عشان تراجع نجد
قال عقاب بأستغراب؛ طيب شوي وبجي تمام
قفل وكذالك دقت على الاكل الا نوره تدق على الرقم ولا يرد قالت نوره؛ خلاص بالأساس اخوي عقاب
قالت المديره اطلعو برا وبعدين اذا جو اهليكم تجون
طلعو وكان الوقت فسحه راحت نجد وحللت واخذت ابرتها وهي تاخذ ابرتها جو شلت بنات معروفين انهم راعين مشاكل
قالت سمر؛ والله ياعندنا ناس مريضه ولا فوق كل هاذا يتيمه يالله اسألك الثبات
لفت نجد وقالت؛ احترمي نفستس لا اثور فيتس يالله 
قالت شهد؛ ماتقدرين تسوين شي بنت الكلابه!؟ .......  
لفت نوره وبقوه من مشافت ملامح نجد الي احتدت احتداد يخوف
تقدمت نجد وقالت وهي ماسكه نفسها؛ وش قلتي؟!
صارو البنات جنب نجد كلهم
قالت شهد بحده؛ بنت كلابه وماتربيتي زين.....
تقدمت نجد وهي تدفها وطاحت شهد بالارض ضربتها نجد برجلها وبقوه مع كتفها وطت على راسها
كانو هاجر ولُجين والبندري ماسكين سمر ويتضاربون معها
صرخت نجد بوجه شهد ومسكتها مع ياقتها؛ مين انتي عشان تتكلمين عن امي وابوييي ها من الي سمح لتس تتكلمين عن تربيتهم لي؟
ضربتها نجد كف على وجهها وبقوه لدرجة طبعت اصابعها على وجهها
صرخت سمر وقالت؛ كسر يكسر يدك
دخلت عليهم اسماء والمديره والاداريه
صرخت المديره من شافت نجد مكمله على شهد ولا فكرت تلف لهم؛ بنت ياقليلت الادب
لفت لها نجد ومشت نحوها وقالت بوجهها وبنبره مرعبه؛ انا ماني قليلت ادب امي وابوي ربوني احسن تربيه وما اسمح لتس تتكلمين عن تربيتهم سامعه والا لا
قالت اسماء؛ لا واضح ما شاءالله التربيه تهبل
لفت لها انهار وقالت؛ انتي عاد اخر وحده تتكلمين عن التربيه والادب!
قالت المديره؛ قدامي انتي وياها الان وصلو اخوانكم وراح ادخلهم عندي للمكتب
مشت نجد وصدرها يرتفع وينزل بغضب ماكان ودها انها اكتفت بكذا ابدا ودها انها ذبحتها وشربت من دمها من كثر ماهي مقهوره من كلام شهد وسمر لا امها وابوها!
دخلت المديره ورجعت اسماء لمكتها فوق
لبست المديره عبايتها وفتحت باب الساحه عشان تدخل عقاب وسعود اما الباقين ما جو وسحبو عليها
جلسو سعود وعقاب على مكتب المديره وقدامهم انهار ومجد ونوره اما الباقين عند الاداريه
قال عقاب بحده ؛ وش مسوين انتم ها!
فالت المديره؛ انا استدعيتك انت والاستاذ سعود عشان تشفون حل للبنات لانهم قليلات ادب.....
قاطعتها نجد وهي تقول بنبره حاده لكن البكيه كاتمتها؛ كم مره اقول لتس ماني قليلت ادب ماتجيبين طاري تربيتي على لسانتس
قالت المديره؛ اجل تضحكون بالحصه ولا فوق كل هاذا ضاربه بنت الحين البنت امها راح تجي ونشوف وش راح تسوي الله يستر لا تشتكي عليك بالمحكمه
قالت انهار؛ تشتكي وتقعد واعلى مابخيلها تركبه
قال سعود؛ بس يابنت