ناِدرة الأوصاف وفي حلاها مُحال ومِن حُسنها يغار البدر

البارت الحادي عشر

البارت الحادي عشر

راح عبدالله يودي امه وخلاته لصالون ويتعدا للمغسله عشان يجيب بشت حساوي جايبه وحطه بالمغسلة وكانت هديته لعقاب

~عند البنات ~
كانو قاعدين يتجهزون لان الوقت صار العصر والمفروض اهل العريس يمشون بدري عشان يشوفون القاعه وكذا

قالت هاجر : حنا بنروح مع نجد تمام؟
قالت نوره: تمام يعني اما انا وانهار وديان نروح
قالت وديان : اي

نبذه عن كشخة البنات.....

كانت نوره لابسه فستان ازرق فاتح وفيه نفشه هاديه وميكب حقها كان مره هادي وفخم بنفس الوقت.....

كانت انهار لابسه فستان وردي هادي جدا ماحبت انها تكثر مكياج بس كانت في قمت الجمال.....

كانت وديان لابسه فستان عنابي وهادي جاي ماسك على جسمها وكانت كذالك في قمت الجمال

كانت ترف لابسه فستان بيج كانت مرهههههههه جميلة جداً رفعت نص شعرها الطويل وسوت به حركه حلوه وهاديه...

البندري كانت لابسه فستان موف وسوت ميكب خفيف كانت في قمت الجمال.....

لُجين كانت لابسه فستان لونه اسود وماسك على جسمها كانت كذالك في قمت الجمال......

هاجر كانت لابسه فستان اخضر غامق حرير كانت في قمت الجمال....

~نجي عند بطلتنا نجد ~
كان شكلها كذا.

حبت يكون ستايلها غير.
كان فاتحه شعرها ومسويته مموج وهادي جداً بس كان في قمت الفخامه
بنسبه للميكب حقها كان بلون الترابي كان مبرز ملامحها الحاده والجميله

~عند العيال راحو البيوت عشان يلبسون ~
قال عقاب بتذكر : ياعيال ماجبت لي بشت
ظرب صقر راسه وقال : مانت بصاحي صدق احد ينسى بشته بيوم عرسه؟!
قال عبدالله وهو يطلع البشت الي جابه : افا اذا انت نسيته انا ما انساك وانا اخوك
فز عقاب و باس خشم عبدالله ( سلام رجال)
قال عقاب بأبتسامه : لاخلا ولاعدم ياعضيدي
قال ياسر : وش ذا ياعيال جاني جفاف عاطفي
ضحك فارس وهو يضم ياسر : ها ترطبت
ضحكو العيال ولبسو ثيابهم وشمغهم ولبسو البشوت الي جابها عبدالله هديه لهم

~عند البنات بعد ما راحو وديان وانهار ونوره ~
قالت هاجر وهي تضم نجد والعبره فماحاجرها : استودعتس الله يانجد ياعمري انتي
قالت البندري وهم كلهم يجتمعون يضمون نجد : الله يخلينا لبعض ولا يفرقنا عن بعض يارب
قالت لُجين وهي تمسح دموعها : صدق بس ناقصتنا اريام وتكتمل الشله
كانت نجد تبكي وتضحك
كانت تبكي على حياتها الي دمرها عقاب والا انها بتدرس وهي متزوجه....
وتضحك على انها كانت تحلف انها مارح تتزوج وانها راح تقعد عند امها وابوها وتخدمهم ومارح تتزوج لكن جا عقاب وهدم حياتها بالكامل عشان كلمه.........
قالت هاجر : صدق ناقصتنا اريام ويكمل خبالنا
ضحكو البنات وقالت نجد : الله الله يالاميرات وش هاذي الكشخه ها بس ترا مرهههههههه تهبلون اسم الله عليكم تحصنو اخاف احد يجي ياخذكم مني هههههه
ضحكو البنات وجت الميكب ارتس تعدل الميكب حقهم عشان المسكره سالت بس تضبط شوي...
دق جوال نجد ورفعت السماعه لان الي اتصل عليها ابوها : لبيه يبه
قال ابو ياسر : انا تحت ابي اصعد لتس فوق بس قولي للبنات يتغطون ابي اشوف اميرتي
ضحكت نجد وقالت : ابشر بس ابي اعدل لبسي واعطيك رنه وتعال، انت لحالك؟!
كان بيقول اي بس استغرب من شاف فارس وياسر لحقينه عشان يشوفون نجد وبل مره ياخذونها هي والبنات
قال أبو ياسر : لا انا واخوانتس بنجي
قالت نجد : تمام بس اعطيك رنه تجي تم؟
قال أبو ياسر : تم وتحصني وانا ابوتس
قالت نجد بأبتسامه : ابشر من عيوني يا حمودي
ضحك ابو ياسر وقفل
لفت نجد على البنات وقالت : اميراتي تغطو ابوي بيصعد هو واخواني يسلمون علي
قالت البندري وهي تاخذ عبايتها : يالله اجل انا والبنات بننزل للمطبخ على ماتخلصون
قالت لُجين : نجد يا قلبي انتي تحتاجين مساعده شي؟!
قالت نجد بأبتسامه : لا يروحي انتي ابي سلامتس ياعمري
طلعو البنات وراحو للمطبخ