ناِدرة الأوصاف وفي حلاها مُحال ومِن حُسنها يغار البدر

البارت الثامن والثلاثون

البارت الثامن والثلاثون

اللهم بلغنا رمضان لا فاقدين ولا مفقودين يارب العالمين

اللهم صل وسلم على نبينا محمد وعلى آله وصحبه أجمعين

كانو نوره وانهار عارفين ان عقاب طلع من الدوره وجاي بيته بعدما اتفق مع فارس....

التفتت نجد للباب الي انفتح وقالت؛ بسم الله فارس ادخل ليش واقف؟
كانت نجد لابسه فستان احمر ماسك ومسويه شعرها ويفي وحاطه مكياج مطلعها تحفففهه والروج الاحمر واهه من جمالهااا

دخل عقاب بثوبه الابيض الي ولابس شماغ احمر كما دم الغزال شهقت نجد ورجعت على ورا وقالت؛. ياويل حالي

ابتسم عقاب وقالت نجد؛

ياويل حالي جيتني واليوم عيد
عقب البطى يامرحبا يا اغلا الوجيه

وكمل عقاب وقال؛
من العايدين ان قلتها لي قلتلك
العيد خدك حظ من عيد عليه

تقدم عقاب وضم نجد

ضربته وقالت؛ لاعاد تسوي كذا وتخليني لحالي!
ضحك عقاب وقال؛ من عيوني ومن العايدين ياسيدة كل البنات وسيدة قلبي
تقدمت نجد وباسته مع خده وقالت؛ من الفايزين وكل عام وانت بخير وصحة وسلامة
قال عقاب وهو محاوط خصرها؛
وش قال خلف بن هذال!

ياعيد اللي صاحبً بالحب فاتني
والحال مني قضى بعد وانا قاضي

ياعيد انا مولعٍ بصغير السني
لو مبسمه سم قبلته وانا راضي

ابتسمت نجد وهي ودها تقول له لكن ماتشوف انه الوقت المناسب!
ضحكت نجد وقالت؛ وانا مولعه بكبير السني شايبي الحلو بس عطني عيديه وين عيديتك

ابتسم عقاب وقال؛ اصير لتس شايب واطلق شايب بعد!
طلع من جيبه الفين ريال
قالت نجد؛ تخيل بس وربي اني امزح معاك انت عيديتي

حط عقاب الفلوس بيد نجد وقال؛ انتي لو تبين عيوني لتس ويالله

راحت نجد وجابت مبخره بها عود
ابتسم عقاب ومتقدمت نجد وهي تعدل العود على الجمر رفعت راسها وابتسمت وبانت غمازاتها كانت نجد ايه في الجمال كانت غزال نجدي....
ابتسم عقاب من شاف نجد تنزل شماغه وتقفل على المبخره وتبخره كانت تطالعه بأبتسامه

طلعو وراحو لبيت ابو سعود الي كانو مجتمعين كلهم هناك بس العايله
نزلو عقاب ونجد كانو اخر الواصلين
وقفت نجد عند المدخل وفصخت عبايتها وعدل عقاب شماغه تنحنح عقاب لجل ينبه البنات يتغطون

وبالفعل تغطو ودخلت نجد وراها عقاب تقدم عقاب وسلم على خالاته وقال بصوت عالي للبنات؛ من العايدين الفايزين وكل عام وانتم بخير وصحه وسلامه يارب

قالت نوره؛ ماشاءالله وش بقيت لنا عشان نرد
ضحك عقاب وطلع وهو طالع طلعت اسماء بوجهه صد بوجهه عنها لانها ماكانت متحجبه ابد ولبسها فاصخ
حست نجد بالنار تحرق قلبها من القهر