ناِدرة الأوصاف وفي حلاها مُحال ومِن حُسنها يغار البدر

البارت الثاني والثلاثون

البارت الثاني والثلاثون

طلعو هي وعقاب متجهين لقسم الحريم وقفت عند المدخل ونزلت فستانها وكان بلون الاصفر الفاتح وفيه تموج ابيض ومن عند الاكمام منفوخ الكم كان مره قصير، وهي مسويه شعرها ويفي من تحت ومن فوق بارمه اتمنا انكم فهمتو علي كان الجو برا بارد لكن لاكشخه كل شي يهون

كانت ايه في الجمال كانت تملك ملامح بريئه لكن اذا حطت مكياج تحب تبرز ملامحها الحاده

كان كل هاذا كثيرر على عقاببب ومرهه كان عقاب واقف عند المرايه يظبط شماغه التفت على نجد وقال بهمس؛. يا قبلة الله على المزيون

تنحنح عقاب من شاف او توه ينتبه لجمال عيون نجد وقال بهمس؛. تحصنتي؟

هزت راسها ب لا وقال عقاب؛ اثبتي ابي احصنتس.
رفع عقاب يدينه وهو يقرا السور الي بتحصين مثل سورة الاخلاص والناس والفلق واية الكرسي

نفث عقاب بيده ومسح على وجه نجد وعلى كتوفها وعلى زراعها
تحمست نجد وقالت وهي تطلع جوالها؛ لازم لنا صوره انا وياك مع بعض من تزوجنا وماعندنا ولا صوره حلوه

تقدمت نجد جنب عقاب تشنجت تماما وهي تشوف يد عقاب تتسلل الى خصرها!

ابتسمت وبانت غمزتها وابتسم عقاب وبانت كذالك غمازته الي كانت نفس ماكان غمازت نجد

باس خدها وقال بعجله؛ يالله يالله دخلنا.

اخذت أغراضها وهي متوتره وخايفه ماتدري ليه؟!
تنحنح عقاب رقال؛ ياولد تغطو ياحريم

تحجبو البنات وطلعت نوره من المجلس انصدمت وهي تشوف نجد جنب عقاب

تقدمت نوره وهي تطالع نجد بحقد وكراهيه و مسكت نجد من ذراعها وقالت بحده؛ انتي وش تبين فينا ترا محد يبتس روحيي اذلفي لمتس

كانت نجد مصدومه من نوره ماكانت تتوقع انها كذا ردت فعلها او انها تكسرها او تجرحها من ذا الكلام!

احتدت نظرات عقاب من شاف تعامل نوره مع نجد ماتوقع يوم من الايام انهم راح يصير التعامل كذا بين نوره ونجد
قال عقاب بحده؛ خير يانوره وش ذا الكلام الي جالس انا اسمعه هاا؟
انخرشت نوره وخافت ماتدري ليه انفعلت بزياده من شافت وجه نجد

وهي كانت اسماء تحشي راسها بكلام مو زين عن نجد انها سحبت عليهم وراحت لا امها ولاعاد تسأل عنهم وانها باعتهم بأرخص شي ممكن تسويه وانها كانت تستغفلهم وانها هي الي كبت الزيت على نفسها عشان تقدر تهرب منهم كانت تشحن نوره بكلام مو زين على نجد......

كانت الصدمه تعتلي وجه نجد من كلام نوره الي مثل السم بقلبها ماتوقعت انها حاقده عليها لاهادرجه وعشان ايش، عشان شي هي ماكانت تبيه ولا هو كان بأرادتها ابدا !

ابتعدت نوره عن نجد ونجد صنمت بمكانها من شافت نوره تعداها ولا كأنها موجوده
كسرت خاطرها ماكانت تتؤقع من تؤم روحها تغدر فيها وترمي عليها كلام مثل السهم المولع نار بقلبها!
انتبه عقاب على نجد وشافها يدها تزيد على الظغط عليها وكأنها تقطعهامن القهر وكتمها لدموعها
انتبهت نجد ليد عقاب الي مرت على طرف عينها تمسح عنها دمعتها بلعت ريقها وقال؛ مافي احد يستاهل عشان تنزلين دموعتس له امسحيها ويالله ندخل تأخرت على الرجال